వైష్ణవ్‌ తేజ్‌-క్రిష్‌ మూవీ టైటిల్‌ ఇదే, ఫస్ట్‌లుక్‌ విడుదల

20 Aug, 2021 11:18 IST|Sakshi

‘ఉప్పెన’ మూవీతో మెగా హీరో వైష్ణవ్‌ తేజ్‌ హీరోగా గ్రాండ్‌ ఎంట్రీ ఇచ్చాడు. తొలి చిత్రంతోనే బ్లాక్‌బస్టర్‌ హిట్‌ అందుకున్న వైష్ణవ్‌ రెండవ చిత్రం ప్రముఖ దర్శకుడు జాగర్లమూడితో ఓ సినిమా చేస్తున్న సంగతి తెలిసిందే. కొండపాలెం నవల ఆధారంగా తెరకెక్కిన ఈ మూవీ టైటిల్‌ను ‘కొండపొలం’గా ఖారారు చేసి ఈ మేరకు శుక్రవారం ఉదయం మోషన్‌ పోస్టర్‌, ఫస్ట్‌లుక్‌ను చిత్రబృందం సోషల్‌ మీడియా వేదికగా విడుదల చేసింది. ఫస్ట్‌ ఫ్రేమ్‌ ఎంటర్‌టైన్‌మెంట్స్‌ పతాకంపై సాయిబాబు జాగర్లమూడి, రాజీవ్‌ రెడ్డి ఈ మూవీని నిర్మిస్తున్నారు. గడ్డం, మాస్‌లుక్‌లో పంజా వైష్ణవ్‌ ఎంట్రీ ఇచ్చాడు. 

చదవండి: Nani Tuck Jagadish: థియేటర్ల యాజమానుల అసంతృప్తి 

కాగా అటవీ ప్రాంతాల్లో నివసించే ప్రజల జీవన విధానం ఆధారంగా క్రిష్‌ ఈ మూవీని తెరకెక్కిస్తున్నాడు. వైష్ణవ్ ‌తేజ్‌కు జంటగా రకుల్‌ ప్రీత్‌సింగ్‌ సందడి చేయనున్నారు. ఇందులో రకుల్‌ ఓబులమ్మ అనే గ్రామీణ యువతి పాత్రలో కనిపించనుంది. ఫస్ట్‌ ఫ్రేమ్‌ ఎంటర్‌టైన్‌మెంట్స్‌ పతాకంపై రాజీవ్‌ రెడ్డి, సాయిబాబు ఈ చిత్రాన్ని నిర్మిస్తున్నారు. ఎం.ఎం.కీరవాణి సింగీతం అందిస్తున్నారు. ఇప్పటికే దాదాపు చిత్రీకరణను పూర్తి చేసుకున్న ఈ మూవీ అక్టోబర్‌ 8న ప్రేక్షకుల ముందుకు రానుంది.

చదవండి: మళ్లీ వాయిదా పడిన ‘ఆర్‌ఆర్‌ఆర్‌’ మూవీ!

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు