వరుణ్‌తేజ్‌ రింగులోకి దిగేది అప్పుడే!

28 Jan, 2021 10:08 IST|Sakshi

మెగా ప్రిన్స్‌ వరుణ్‌తేజ్‌ బాక్సర్‌గా నటిస్తున్న తాజా చిత్రం 'గని'. నూతన దర్శకుడు కిరణ్‌ కొర్రపాటి డైరెక్షన్‌ చేస్తున్నాడు. దేశంలో బాక్సర్లు ఎదుర్కొంటున్న సమస్యలను చూపిస్తూనే ఓ సందేశాన్ని ఇవ్వబోతున్నట్లు తెలుస్తోంది. హీరో వరుణ్‌తేజ్‌ పుట్టినరోజు సందర్భంగా  జనవరి 19వ తేదీన ఈ సినిమా టైటిల్‌ పోస్టర్‌ను విడుదల చేసిన విషయం తెలిసిందే. బాక్సింగ్‌ రింగ్‌లో పంచులు కొడుతున్న వరుణ్‌ లుక్‌ అభిమానులను ఎంతగానో అలరించింది. తాజాగా ఈ సినిమా రిలీజ్‌ డేట్‌ ఎప్పుడన్న విషయాన్ని చిత్రయూనిట్‌ వెల్లడించింది. (చదవండి: వరుణ్‌ తేజ్‌ ప్రత్యేకత ఇదే)

జూలై 30న గని రింగులో దిగబోతున్నాడని స్పష్టం చేసింది. ఈ సినిమాలో వరుణ్‌ తండ్రిగా ఉపేంద్ర, కోచ్‌గా సునీల్‌ శెట్టి, ప్రతినాయకుడిగా జగపతిబాబు కనిపించనున్నారు. బాలీవుడ్‌ దర్శకనటుడు మహేష్‌ మంజ్రేకర్‌ కూతురు సయూ మంజ్రేకర్‌ హీరోయిన్‌గా టాలీవుడ్‌లో అడుగు పెడుతోంది. నవీన్‌ చంద్ర ఓ ముఖ్యపాత్రలో నటిస్తున్నట్లు తెలుస్తోంది. తమన్‌ సంగీతం అందిస్తున్నాడు. ఇక వరుణ్‌తేజ్‌ మరోవైపు విక్టరీ వెంకటేష్‌తో కలిసి ఎఫ్‌3లో నటిస్తున్నాడు. ఈ సినిమాకు అనిల్‌ రావిపూడి దర్శకత్వం వహిస్తున్నాడు. దేవిశ్రీ ప్రసాద్‌ సంగీతం అందిస్తున్న ఈ సినిమా వేసవిలో ప్రేక్షకుల మందుకు రాబోతుంది.  (చదవండి: ‘ఎఫ్‌ 3’లో మూడో హీరో.. దర్శకుడి క్లారిటీ)

మీ అభిప్రాయాలను కింద తెలపండి

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
Load Comments
Hide Comments

మరిన్ని వార్తలు