గన్‌ను ఫుల్‌గా లోడ్‌ చేసి రంగంలోకి దిగారు వరుణ్ తేజ్. ప్రవీణ్‌ సత్తారు దర్శకత్వంలో వరుణ్ తేజ్ హీరోగా ఓ సినిమా తెరకెక్కుతున్న సంగతి తెలిసిందే. నాగబాబు సమర్పణలో ఎస్‌వీసీసీ పతాకంపై బాపినీడు, బీవీఎస్‌ఎన్‌ ప్రసాద్‌ ఈ సినిమాను నిర్మిస్తున్నారు.
ఈ సినిమా షూటింగ్‌ సోమవారం లండన్‌లో ప్రారంభమైంది. హీరో వరుణ్ తేజ్‌పై కీలక సన్నివేశాలను చిత్రీకరిస్తున్నారు. ‘‘షూటింగ్‌ మొదలైంది. ది గేమ్‌ ఆఫ్‌ లైఫ్‌ అండ్‌ డెత్‌ బిగిన్స్‌’ అంటూ లొకేషన్‌ వీడియోను షేర్ చేశారు వరుణ్ తేజ్. కాగా ఈ చిత్రంలో వరుణ్ తేజ్ ఇంటర్‌నేషనల్‌ గూఢచారి పాత్రలో కనిపిస్తారని టాక్‌.
