రౌడీ హీరో విజయ్‌ దేవరకొండ ప్రస్తుతం శివ నిర్వాణ డైరెక్షన్‌లో ఖుషీ మూవీలో నటిస్తున్న సంగతి తెలిసిందే. సమంత ఇందులో హీరోయిన్‌గా నటిస్తుంది. ఈ మూవీ సెట్స్‌పై ఉండగానే మరో సినిమాను లైన్‌లో పెట్టేశాడు విజయ్‌.
జెర్సీ మూవీ డైరెక్టర్‌ గౌతమ్‌ తిన్ననూరి దర్శకత్వంలో రౌడీ హీరో సినిమాను అనౌన్స్‌ చేశాడు. సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్, శ్రీకర స్టూడియోస్ సంయుక్తంగా ఈ చిత్రాన్ని నిర్మిస్తున్నాయి.
VD12 అనే వర్కింగ్‌ టైటిల్‌తో రూపొందుతున్న ఈ సినిమాలో విజయ్‌కు జోడీగా శ్రీలీల నటిస్తుంది. దీనికి సంబంధించిన పూజా కార్యక్రమం నేడు(బుధవారం) రామానాయుడు స్టూడియోస్‌లో జరిగింది. దీనికి సంబంధించిన ఫోటోలు నెట్టింట చక్కర్లు కొడుతున్నాయి.
