దీపికను చుట్టుముట్టిన ఫ్యాన్స్‌, ఇంతలో..

26 Feb, 2021 11:42 IST|Sakshi

ముంబై: సెలబ్రిటీలు బయట కాలు మోపితే చాలు కందిరీగల్లా చుట్టుముడుతారు అభిమానులు. మీడియా ప్రతినిధులు కూడా ఫొటోలు, ఇంటర్వ్యూలు అంటూ వెంటపడుతారు. వీరందరినీ దాటుకుని సెలబ్రిటీని కారెక్కించడం కూడా వారి బాడీగార్డులకు కష్టసాధ్యంగా మారింది. ఈ క్రమంలో బయట తినడానికి వెళ్లిన బాలీవుడ్‌ స్టార్‌ హీరోయిన్‌ దీపికా పదుకొణెకు ఓ వింత అనుభవం ఎదురైంది. ముంబైలోని పాపులర్‌ రెస్టారెంట్‌లో విందు ఆరగించిన అనంతరం తిరుగు ప్రయాణమవుతుండగా అక్కడున్నవారంతా ఆమెను చుట్టుముట్టారు. దీంతో నెమ్మదిగా ఒక్కో అడుగు ముందుకు వేస్తూ వెళ్తుండగా ఓ అభిమాని దీపిక హ్యాండ్‌బ్యాంగును పట్టుకు లాగింది. ఒక్కసారిగా షాకైన ఆమె వెంటనే బ్యాగును లాక్కొని ఓ చిన్న నవ్వు విసిరి వెళ్లి కారులో కూర్చొంది. దీనికి సంబంధించిన వీడియో ప్రస్తుతం వైరల్‌గా మారింది.

దీపిక.. శకున్‌ బాత్రా దర్శకత్వంలో ఓ సినిమా చేసేందుకు ప్లాన్‌ చేస్తోంది. షారుఖ్‌ ఖాన్‌తో ‘పఠాన్‌’, హృతిక్‌ రోషన్‌తో ‘ఫైటర్‌’ మూవీతో పాటు ప్రభాస్‌-నాగ్‌ అశ్విన్‌ చిత్రంలోనూ నటిస్తోంది. తన భర్త, హీరో రణ్‌వీర్‌ సింగ్‌ ప్రధాన పాత్రలో నటించిన 83లో గెస్ట్‌గా కనిపించనుంది. ఈ సినిమా జూన్‌ 4లో రిలీజ్‌ కానుంది. రోహిత్‌ శెట్టి దర్శకత్వంలో రణ్‌వీర్‌ సింగ్‌ హీరోగా నటిస్తున్న చిత్రం ‘సర్కస్‌’లోనూ దీపిక ఓ చిన్న పాత్రలో మెరవనుందట.

చదవండి: జూన్‌లో ‘83’ వరల్డ్‌ కప్‌

పెళ్ళిలో అజయ్‌ దేవ్‌గణ్‌ డబ్బులు ఆఫర్‌ చేశాడు!

మరిన్ని వార్తలు