నన్నే డబ్బులు అడుగుతావా? ఆటో డ్రైవర్‌పై చెప్పుతో రెచ్చిపోయిన మహిళ

23 Aug, 2021 19:43 IST|Sakshi

లక్నో: ఆటోలో ప్రయాణించినంత సేపు ప్రయాణించి డబ్బులు అడగ్గా కొంత ఇచ్చేసి మిగతా ఇవ్వను అని ఓ మహిళా ప్రయాణికురాలు తేల్చి చెప్పేసింది. ఈ విషయంలో డ్రైవర్‌కు ఆమెకు మధ్య వాగ్వాదం జరిగింది. ఇక సహనం కోల్పోయిన ఆ మహిళ చెప్పు తీసుకుని ఆటో డ్రైవర్‌పై దాడికి పాల్పడింది. అంతకుముందు చెంప చెల్లుమనిపించింది. ఈ ఘటన ఉత్తరప్రదేశ్‌ రాజధాని లక్నో నడిబొడ్డున జరిగింది. ఆ వివరాలు ఇలా ఉన్నాయి.
(చదవండి: జర చూసి తినండి.. పిజ్జాలో ఇనుప నట్లు, బోల్టులు

లక్నో టెది పులియా ప్రధాన చౌరస్తాలో ఆగస్ట్‌ 21వ తేదీన ఈ ఘటన జరిగింది. వారి వివరాలు తెలియలేదు. కానీ ఆటో డ్రైవర్‌ ఒకచోట ఆ మహిళతో పాటు ఆమెకు సంబంధించిన ఇద్దరు యువకులను ఎక్కించుకున్నాడు. టెది పులియాకు చేరుకోవడంతో డ్రైవర్‌ డబ్బులు అడిగాడు. ఆమె సగం చెల్లించి వెళ్తుండగా ఆటో డ్రైవర్‌ మిగతా డబ్బు అడగ్గా ఆ మహిళ దుర్బాషలాడింది. ఆమె బూతు పురాణం కూడా మొదలుపెట్టడంతో సరిగ్గా మాట్లాడాలి ఆటో డ్రైవర్‌ చెప్పాడు. అనంతరం ఆమెతో వచ్చిన ఇద్దరు యువకులు అతడితో గొడవకు దిగారు. 

ఈ విషయాన్ని అక్కడ సమీపంలో ఉన్న పోలీస్‌కు ఆటో డ్రైవర్‌ ఫిర్యాదు చేశాడు. పోలీస్‌ వచ్చి మాట్లాడుతుండగా రెచ్చిపోయిన ఆ మహిళ డ్రైవర్‌ను మొదట చెంపపై కొట్టింది. అనంతరం చెప్పు తీసి అతడిపై దాడికి పాల్పడింది. దీనికి సంబంధించిన వీడియో నెట్టింట్లో చక్కర్లు కొడుతోంది. అయితే ఈ ఘటనకు సంబంధించిన ఎలాంటి ఫిర్యాదు పోలీసులకు చేరలేదు. ఆ తర్వాత ఏం జరిగిందో తెలియలేదు. ఆమె తీరుపై నెటిజన్లు ఆగ్రహం వ్యక్తం చేస్తున్నారు. డబ్బులు అడిగితే కొట్టుడు ఏంది? అని ప్రశ్నిస్తున్నారు.

చదవండి: ‘అమ్మాయిలూ ‘జట్టు విరబూసుకుని రావొద్దు’ ‘సెల్ఫీలు దిగొద్దు’
 

Read latest National News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు