తెలంగాణ కల్చరల్ సొసైటీ (టీసీఎస్ఎస్) ఆధ్వర్యంలో అక్టోబ‌ర్ 9న సింగపూర్లో బతుకమ్మ వేడుక‌ల‌ను ఘనంగా నిర్వహించారు. ఈ వేడుకల్లో మిస్ యూనివర్స్ సింగపూర్ 2021గా గెలిచిన తెలుగు అమ్మాయి నందిత బన్నను సొసైటీ సభ్యులు సత్కరించారు. ప్రతీ ఏడూ సుమారు రెండు నుండి మూడు వేల మంది పాల్గొనే ఈ వేడుకల్లో పాల్గొనేవారు. ఈసారి కోవిడ్‌ నిబంధనల కారణంగా వర్చువల్‌గా నిర్వహించారు.
సుమారు పదమూడేళ్ల నుంచి సింగపూర్ లో బతుకమ్మ పండుగను పెద్ద ఎత్తున నిర్వహిస్తూ భావితరాలకు పండుగ ప్రాముఖ్యతని తెలియజేస్తున్న టీసీఎస్‌ఎస్‌ని ఎమ్మెల్యే రఘునందన్‌ రావు అభినందించారు. ఈ వేడుకలు నిర్వహించడంలో టీసీఎస్ఎస్ అధ్యక్షుడు నీలం మ‌హేంద‌ర్‌, ప్రధాన కార్యదర్శి బ‌సిక ప్రశాంత్‌రెడ్డి, కోశాధికారి లక్ష్మణ్ రాజు కల్వలతో పాటు కార్యవర్గ సభ్యులు కృషి చేశారు.
