Sunil Narine: సునీల్‌ నరైన్‌ సంచలనం.. 7 ఓవర్లు.. 7 మెయిడెన్లు.. 7 వికెట్లు

20 Mar, 2023 16:31 IST|Sakshi
File photo

ఐపీఎల్‌-2023 సీజన్‌కు ముందు వెస్టిండీస్‌ వెటరన్‌ ఆల్‌రౌండర్‌, కేకేఆర్‌ స్టార్‌ ఆటగాడు సునీల్‌ నరైన్‌ అద్భుతమైన ఫామ్‌లో ఉన్నాడు. తాజాగా ట్రినిడాడ్ అండ్‌ టొబాగో క్రికెట్ బోర్డ్ ప్రీమియర్‌షిప్ డివిజన్ I మ్యాచ్‌లో నరైన్‌ సంచలన ప్రదర్శన చేశాడు. ఈ టోర్నీలో క్వీన్స్ పార్క్ క్రికెట్ క్లబ్ Iకు నరైన్‌ ప్రాతినిథ్యం వహిస్తున్నాడు.

ఈ లీగ్‌లో భాగంగా ఆదివారం పోర్ట్-ఆఫ్-స్పెయిన్‌ వేదికగా  క్లార్క్ రోడ్ యునైటెడ్‌తో జరిగిన మ్యాచ్‌లో నరైన్‌.. కనీసం ఒక్క పరుగు ఇవ్వకుండా 7 వికెట్లు సాధించాడు. ఈ మ్యాచ్‌లో 7 ఓవర్లు బౌలింగ్‌ చేసిన నరైన్‌ 7 మెయిడన్లతో 7 వికెట్లు పడగొట్టాడు.

నరైన అద్భుత ప్రదర్శన కారణంగా ప్రత్యర్ధి జట్టు కేవలం 76 పరుగులకే కుప్పకూలింది. అంతకుముందు బ్యాటింగ్‌ చేసిన లో క్వీన్స్ పార్క్ క్రికెట్ క్లబ్.. నిర్ణీత 50 ఓవర్లలో 3 వికెట్లు కోల్పోయి 268 పరుగులు చేసింది. ఇక ఓవరాల్‌గా ఈ టోర్నీలో ఇప్పటివరకు ఐదు మ్యాచ్‌లు ఆడిన సునీల్‌ నరైన్‌.. 31 వికెట్లు పడగొట్టాడు. అందులో మూడు ఐదు వికెట్ల హాల్స్‌ ఉన్నాయి.
చదవండి: IND vs AUS: ఆస్ట్రేలియాతో మూడో వన్డే.. సూర్యకుమార్ వద్దు! అతడే సరైనోడు

మరిన్ని వార్తలు