#ShimronHetmyer: సంచలన క్యాచ్‌.. కొంచెం పట్టు తప్పినా అంతే సంగతి!

11 May, 2023 20:08 IST|Sakshi
Photo: IPL Twitter

ఐపీఎల్‌ 16వ సీజన్‌లో భాగంగా కేకేఆర్‌తో మ్యాచ్‌లో రాజస్తాన్‌ ఆటగాడు షిమ్రోన్‌ హెట్‌మైర్‌ సంచలన క్యాచ్‌తో మెరిశాడు. బౌండరీలైన వద్ద అతను చేసిన విన్యాసం అబ్బురపరిచింది. కొంచెం అటు ఇటు అయినా సిక్సర్‌ వెళ్లేదే. కానీ హెట్‌మైర్‌ ఆ తప్పు చేయకుండా చాలా పద్దతిగా.. బ్యాలెన్స్‌తో క్యాచ్‌ తీసుకోవడం విశేషం.

కేకేఆర్‌ ఇన్నింగ్స్‌ మూడో ఓవర్‌లో ఇది చోటుచేసుకుంది. బౌల్ట్‌ వేసిన ఓవర్‌ రెండో బంతిని రాయ్‌ డీప్‌ స్వ్కేర్‌లెగ్‌ దిశగా ఆడాడు. స్లోబాల్‌ కావడంతో బ్యాట్‌ ఎడ్జ్‌కు తాకిన బంతి గాల్లోకి లేచింది. అయితే లాంగాఫ్‌లో ఉన్న హెట్‌మైర్‌ డీప్‌స్క్వేర్‌ లెగ్‌ వద్దకు పరిగెత్తుకొచ్చి గాల్లోకి ఎగిరి క్యాచ్‌ అందుకున్నాడు. అయితే కొంచెం పట్టు తప్పినా హెట్‌మైర్‌ బౌండరీ రోప్‌ను తాకేవాడే. దీనికి సంబంధించిన వీడియో సోషల్‌ మీడియాలో వైరల్‌గా మారింది.

చదవండి: 'మా కెప్టెన్‌ బ్యాటింగ్‌ విఫలం వెనుక సీక్రెట్‌ అదే!'

మరిన్ని వార్తలు