ICC Player Of The Month February: రేసులో బ్రూక్‌తో పాటు ఎవరున్నారంటే..?
ఫిబ్రవరి నెలకు గానూ మెన్స్‌ ప్లేయర్‌ ఆఫ్‌ ద మంత్‌ అవార్డు నామినీస్‌ జాబితాను ఐసీసీ ఇవాళ (మార్చి 7) ప్రకటించింది. ఫిబ్రవరి మాసంలో న్యూజిలాండ్‌తో జరిగిన 2 మ్యాచ్‌ల టెస్ట్‌ సిరీస్‌లో అద్భుత ప్రదర్శన కనబర్చిన ఇంగ్లండ్‌ రైజింగ్‌ స్టార్‌ హ్యారీ బ్రూక్‌, బోర్డర్‌ గవాస్కర్‌ ట్రోఫీ-2023 తొలి రెండు టెస్ట్‌ల్లో ఆల్‌రౌం‍డ్‌ ప్రదర్శనతో ఇరగదీసిన టీమిండియా ఆటగాడు రవీంద్ర జడేజా, జింబాబ్వే పర్యటనలో జరిగిన రెండు టెస్ట్‌ల్లో అదరగొట్టిన విండీస్‌ యువ స్పిన్నర్‌ గుడకేశ్‌ మోటీ ఐసీసీ మెన్స్‌ ప్లేయర్‌ ఆఫ్‌ ద ఫిబ్రవరి మంత్‌ అవార్డు రేసులో ఉన్నారు.
బ్రూక్‌.. న్యూజిలాండ్‌తో జరిగిన రెండు టెస్ట్‌ల్లో 2 హాఫ్‌ సెంచరీలు, ఓ భారీ సెంచరీ బాదగా.. జడేజా తొలి రెండు టెస్ట్‌ల్లో రెండు ఫైఫర్లతో పాటు అతి విలువైన ఓ హాఫ్‌ సెంచరీ చేశాడు. విండీస్‌ స్పిన్నర్‌ గుడకేశ్‌ మోటీ విషయానికొస్తే.. ఇండియన్‌ ఆరిజిన్‌ కలిగిన ఈ స్పిన్‌ బౌలర్‌ జింబాబ్వేతో జరిగిన రెండు టెస్ట్‌ల్లో ఏకంగా 19 వికెట్లు పడగొట్టి ఔరా అనిపించాడు.
