లండన్‌: భారత స్వాతంత్ర్య దినోత్సవం సందర్భంగా ఇంగ్లండ్‌ మాజీ ఆటగాడు కెవిన్‌ పీటర్సన్‌ హిందీలో చేసిన ట్వీట్‌ వైరల్‌గా మారింది. '' భారతీయులందరికి 75వ స్వాతంత్య్ర దినోత్సవ శుభాకాంక్షలు. ఈ సంవత్సరం మనం ఎన్నో విషాధాలు చూశాం.. వాటన్నింటిని మరిచి కొత్త ఆశలతో ముందడుగేయండి. మీ సెలబ్రేషన్స్‌ను నేను మిస్సవుతున్నా.. త్వరలోనే ఇండియాకు వస్తా అప్పుడు కలుద్దాం.. లవ్‌ కేపీ'' అని ట్వీట్‌ చేశాడు.
ఇక పీటర్సన్‌ ఆటకు రిటైర్మెంట్‌ ప్రకటించాకా కామెంటేటర్‌గా బిజీ అయ్యాడు. అంతర్జాతీయ మ్యాచ్‌లతో పాటు దేశవాలీ టోర్నీలకు పీటర్సన్‌ కామెంటరీ నిర్వహిస్తున్నాడు. ప్రస్తుతం పీటర్సన్‌ హండ్రెడ్‌ టోర్నీలో కామెంటరీ చేస్తున్నాడు. ఇక కెవిన్‌ పీటర్సన్‌ ఇంగ్లండ్‌ తరపున 104 టెస్టుల్లో 8181 పరుగులు, 136 వన్డేల్లో 4440 పరుగులు, 37 టీ20ల్లో 1176 పరుగులు సాధించాడు.
भारत के 75वें स्वतंत्रता दिवस की हार्दिक शुभकामनाएं। इस साल कई त्रासदियों का सामना करना पड़ा है लेकिन हम और भी मजबूत होकर वापस आएंगे। मैं आप सभी को याद करता हूं और जल्द ही फिर से आने का इंतजार नहीं कर सकता।
लव
— Kevin Pietersen🦏 (@KP24) August 15, 2021
KP 🇮🇳
