స్విట్జర్లాండ్‌: టెన్నిస్‌ దిగ్గజం రోజర్‌ ఫెడరర్‌ తన కెరీర్‌లో ఏకైక ఫ్రెంచ్‌ ఓపెన్‌ను 2009లో సాధించాడు. దాంతోనే అతని కెరీర్‌ గ్రాండ్‌స్లామ్‌ పూర్తయింది. ఆ టోర్నీ ఫైనల్లో రాబిన్‌ సొదర్లింగ్‌పై గెలిచిన ఫెడరర్‌... నాటి మ్యాచ్‌లో వాడిన రాకెట్‌ను ఇప్పుడు తన ఫౌండేషన్‌ కోసం వేలానికి పెట్టాడు. పారిస్‌ క్లే కోర్టు ఎర్ర మట్టి మరకలు ఇప్పటికీ ఉన్న మ్యాచ్‌ షూస్‌ను కూడా అతను వేలం కోసం అందుబాటులో ఉంచాడు. వీటితో పాటు పలు జ్ఞాపికలను ఈ ఏడాది జూన్, జులైలలో జరిగిన ఆన్‌లైన్‌ వేలంలో అభిమానులు సొంతం చేసుకునేందుకు అవకాశం ఉంది.
