IRE vs SA: షమ్సీ బౌలింగ్‌ మెరుపులు.. దక్షిణాఫ్రికా ఘనవిజయం

20 Jul, 2021 09:34 IST|Sakshi
తబ్రైజ్‌ షమ్సీ 

డబ్లిన్‌: దక్షిణాఫ్రికా బౌలర్‌ తబ్రైజ్‌ షమ్సీ మెరుపు బౌలింగ్‌ ప్రదర్శనతో ఆకట్టుకోవడంతో ఐర్లాండ్‌పై ఘన విజయాన్ని నమోదు చేసింది. తొలుత బ్యాటింగ్‌ చేసిన సఫారీ జట్టు 20 ఓవర్లలో 7 వికెట్లకు 165 పరుగులు చేసింది. మార్క్‌రమ్‌ (39; 2 ఫోర్లు, 2 సిక్స్‌లు) టాప్‌ స్కోరర్‌గా నిలిచాడు. మిల్లర్‌ 28, వాండర్‌డుసెన్‌ 25 పరుగులు చేశాడు. ఐర్లాండ్‌ బౌలింగ్‌లో మార్క్‌ అధర్‌ 3, సిమీ సింగ్‌, జోషుహా లిటిల్‌ చెరో రెండు వికెట్లు తీశారు. అనంతరం బ్యాటింగ్‌కు దిగిన ఐర్లాండ్‌ నిర్ణీత 20 ఓవర్లలో 9 వికెట్ల నష్టానికి 132 పరుగులు చేసింది. తబ్రైజ్‌ షమ్సీ (4/27) ప్రత్యర్థిని దెబ్బతీశాడు. దీంతో మూడు మ్యాచ్‌ల సిరీస్‌లో ప్రొటీస్‌ జట్టు 1-0 తేడాతో ఆధిక్యంలోకి వెళ్లింది. ఇక ఇరు జట్ల మధ్య రెండో టీ20 జూలై 22న జరగనుంది.

Read latest Sports News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు