మానసిక ఇబ్బందులు ఎదుర్కొంటున్న అమెరికా మహిళా స్టార్‌ జిమ్నాస్ట్‌ సిమోన్‌ బైల్స్‌ టోక్యో ఒలింపిక్స్‌లో తన మెరుపు విన్యాసాన్ని పరిమిత ఈవెంట్లలోనే ప్రదర్శించాలని నిర్ణయించుకుంది. వాల్ట్‌లో డిఫెండింగ్‌ చాంపియన్‌ అయిన ఆమె... ఆ ఈవెంట్‌తో పాటు అన్‌ఈవెన్‌ బార్స్‌ నుంచి కూడా తప్పుకుంది. ఆదివారం ఈ రెండు ఈవెంట్లకు సంబంధించిన ఫైనల్‌ పోటీలు జరుగుతాయి. అయితే బ్యాలెన్స్‌ బీమ్, ఫ్లోర్‌ ఎక్సర్‌సైజ్‌ ఈవెంట్లలో పాల్గొనే అవకాశముంది. ఈ రెండు ఈవెంట్లకు మరింత సమయం ఉండటంతో ఆలోపు మానసిక సమస్యలను అధిగమించవచ్చని ఆమె భావిస్తోంది. మంగళవారం జరిగిన టీమ్‌ ఈవెంట్‌ ఫైనల్స్‌ నుంచి
ఈ 24 ఏళ్ల ఒలింపిక్‌ చాంపియన్‌ బైల్స్‌ అనూహ్యంగా తప్పుకున్న సంగతి తెలిసిందే!
