కాంస్య పతక బౌట్లో రవీందర్ దహియా పరాజయం
World Senior Wrestling Championship: ప్రపంచ సీనియర్ రెజ్లింగ్ చాంపియన్షిప్లో భారత రెజ్లర్ రవీందర్ దహియాకు నిరాశ ఎదురైంది. నార్వేలో జరుగుతున్న ఈ మెగా ఈవెంట్లో ఆదివారం జరిగిన పురుషుల ఫ్రీస్టయిల్ 61 కేజీల విభాగం కాంస్య పతక పోరులో రవీందర్ 0–10తో హరుతున్యాన్ (అర్మేనియా) చేతిలో ఓటమి చవిచూశాడు. భారత్కే చెందిన పంకజ్ (57 కేజీలు), రోహిత్ (65 కేజీలు) ప్రిక్వార్టర్ ఫైనల్లో... యశ్ (74 కేజీలు), గౌరవ్ (79 కేజీలు), పృథ్వీరాజ్ (92 కేజీలు), అనిరుధ్ (125 కేజీలు) తొలి రౌండ్లో పరాజయం పాలయ్యారు.