ఆన్‌లైన్‌ పాఠాలకు 1.12 లక్షల మంది దూరం!

3 Jul, 2021 07:45 IST|Sakshi
ప్రతీకాత్మక చిత్రం

సాక్షి, హైదరాబాద్‌: తెలంగాణ రాష్ట్రంలోని ప్రభుత్వ పాఠశాలల్లో ఆన్‌లైన్‌ క్లాసులు ప్రారంభమైనా.. లక్ష మందికిపైగా విద్యార్థులు వాటిని అందుకోలేని పరిస్థితిలో ఉన్నారని విద్యాశాఖ గుర్తించింది. దూరదర్శన్, టీశాట్, ఇతర టీవీ చానళ్లు, ఆన్‌లైన్‌ మాధ్యమాల ద్వారా డిజిటల్‌ పాఠాలకు ఏర్పాట్లు చేశామని.. ఈ పాఠాలను చూడాలంటే టీవీ, కంప్యూటర్, ల్యాప్‌టాప్, స్మార్ట్‌ఫోన్‌ వంటి డిజిటల్‌ డివైజ్‌లలో ఏదో ఒకటైనా ఉండాలని తెలిపింది. కానీ వీటిలో ఏ ఒక్కటీ అందుబాటులో లేని విద్యార్థులు 1,12,559 మంది ఉన్నారని.. మొత్తం విద్యార్థుల్లో వీరు 6.06 శాతమని వెల్లడించింది.

గురువారం నుంచి ఆన్‌లైన్‌/డిజిటల్‌ తరగతులు ప్రారంభమైన నేపథ్యంలో రాష్ట్రవ్యాప్తంగా ప్రభుత్వ పాఠశాలల్లో బోధన పరిస్థితిపై విద్యాశాఖ శుక్రవారం సమీక్షించింది. దీనిపై ప్రభుత్వానికి ఒక నివేదికను సమర్పించింది. మొత్తం విద్యార్థుల్లో 12,68,291 మంది అంటే.. 68.29 శాతం మంది ఆన్‌లైన్‌/డిజిటల్‌ పాఠాలు విన్నారని పేర్కొంది. ఇంకా 31.71 శాతం మంది పాఠాలకు దూరంగా ఉన్నారని తెలిపింది. 

Read latest Telangana News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు