కరోనాను జయించారు

26 Sep, 2020 05:14 IST|Sakshi

వైరస్‌ బారి నుంచి కోలుకున్న వారి సంఖ్య లక్షన్నర పైమాటే.. 

మొత్తం 27,41,836 పరీక్షలు.. 1,81,627 కేసులు 

ఒక్కరోజులో 57,621 పరీక్షలు.. 2,381 కేసులు

సాక్షి, హైదరాబాద్‌: తెలంగాణలో కరోనా బారినుంచి కోలుకున్నవారి సంఖ్య లక్షన్నర దాటిందని ప్రజారోగ్య సంచాలకుడు డాక్టర్‌ శ్రీనివాసరావు వెల్లడించారు. ఈ మేరకు శుక్రవారం ఉదయం ఆయన కరోనా బులెటిన్‌ విడుదల చేశారు. రాష్ట్రంలో గురువారం వరకు 27,41,836 కరోనా నిర్ధారణ పరీక్షలు నిర్వహించగా, 1,81,627 మందికి పాజిటివ్‌ వచ్చింది. అందులో 1,50,160 మంది కోలుకున్నట్లు ఆయన తెలిపారు. వైరస్‌ నుంచి కోలుకున్నవారి రేటు రాష్ట్రంలో 82.67% ఉన్నట్లు ఆయన వెల్లడించారు. గురువారం ఒక్కరోజులో 57,621 మందికి కరోనా పరీక్షలు నిర్వహించగా, 2,381 మందికి పాజిటివ్‌ వచ్చింది. ఇక ఒక్కరోజే కరోనాతో 10 మంది మృతి చెందారు. దీంతో మరణాల సంఖ్య 1,080కి చేరింది. కరోనా బారి నుంచి ఒక్కరోజే 2,021 మంది కోలుకున్నారు. రాష్ట్రంలో ప్రస్తుతం 30,387 యాక్టివ్‌ కేసులు ఉన్నాయని, వీరిలో 24,592 మంది ఇళ్లు, ఇతరత్రా సంస్థల ఐసోలేషన్‌ లో చికిత్స పొందుతున్నారని శ్రీనివాసరావు తెలిపారు.

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా