సాక్షి సెంట్రల్ డెస్క్: చెస్ అంటే స్మార్ట్.. బాక్సింగ్ అంటే స్ట్రాంగ్.. రెండూ కలిపితే చెస్ బాక్సింగ్.. స్మార్ట్ అండ్ స్ట్రాంగ్. ఓ రకంగా చెప్పాలంటే సూపర్ హీరోలన్న మాట. చెస్కు, బాక్సింగ్కు లింకేమిటని ఆశ్చర్యపోవద్దు. కొన్నేళ్లుగా నడుస్తున్న సరికొత్త ట్రెండ్ ఇది. ప్రపంచవ్యాప్తంగా మెల్లగా చెస్ బాక్సింగ్కు క్రేజ్ పెరుగుతోంది. జాతీయ, అంతర్జాతీయ స్థాయి పోటీలు కూడా జరుగుతున్నాయి. మన దేశంలోనూ జాతీయ స్థాయిలో పోటీలు నిర్వహిస్తున్నారు. మంచి తెలివితేటలతో పాటు శారీరకంగా కూడా బలంగా ఉంటే చెస్ బాక్సింగ్ చాంపియన్ కావొచ్చు. మరి ఈ చెస్ బాక్సింగ్ సంగతేంటో తెలుసుకుందామా?
తెలివి, బలం కలిస్తే..
పేరుకు తగ్గట్టుగానే చెస్ బాక్సింగ్ మిశ్రమ క్రీడ. చెస్, బాక్సింగ్ రెండింటి నిబంధనలు పాటిస్తూ.. చెస్ బోర్డు మీద, బాక్సింగ్ రింగ్లో తలపడాల్సి ఉంటుంది.
సైంటిఫిక్ ఫిక్షన్ నుంచి ఆచరణలోకి..
నెదర్లాండ్స్కు చెందిన లీప్ రూబింగ్ అనే క్రీడాకారుడు 2003లో చెస్ బాక్సింగ్కు రూపకల్పన చేశాడు. 1992లో విడుదలైన సైన్స్ ఫిక్షన్ నవల ‘ఫ్రాయిడ్ ఈక్వేటర్’ నుంచి స్ఫూర్తి పొంది చెస్ బాక్సింగ్కు రూపం పోశాడు. ఆ నవలలో ‘ఫ్యూచర్ బాక్స్’ అనే డివైజ్ ఉంటుంది. అందులో పెద్ద చెస్ బోర్డుపై హీరో, విలన్లు పోరాడుతారు. చెస్ బాక్సింగ్ తొలి మ్యాచ్ నెదర్లాండ్స్లోని ఆమ్స్టర్డామ్లో జరిగింది.
మ్యాచ్లు జరిగేదెలా?
ప్రతి గేమ్లో వరుసగా మొదట చెస్ రౌండ్, తర్వాత బాక్సింగ్ రౌండ్, మళ్లీ చెస్, బాక్సింగ్.. ఇలా జరుగుతూ వస్తాయి. ఇలా గరిష్టంగా 11 రౌండ్ల వరకు ఆడుతారు. లేదా మధ్యలోనే విజేత ఎవరో తేలిపోతుంది.
మన దేశంలో చెస్ బాక్సింగ్
చెస్ బాక్సింగ్ మన దేశంలో కూడా కొన్నేళ్లుగా ప్రాచుర్యంలోకి వస్తోంది. కేంద్ర ప్రభుత్వం 2011లో ‘చెస్ బాక్సింగ్ ఆర్గనైజేషన్ ఆఫ్ ఇండియా (సీబీఓఐ)ని ఏర్పాటు చేసింది.
ఇప్పటిదాకా చాంపియన్లు వీరే..
చెస్ బాక్సింగ్లో ప్రస్తుతం లైట్, మిడిల్ వెయిట్, హెవీ వెయిట్ కేటగిరీల్లో చాంపియన్ షిప్లు నిర్వహిస్తున్నారు. వీటిలో గెలిచిన ఆటగాళ్లు వారి ముద్దుపేర్లతో బాగా పాపులర్
అయ్యారు.
ప్రస్తుతం చెస్ బాక్సింగ్లో ప్రముఖ ఆటగాళ్లు వీరే..
► ‘ప్రపంచంలో నంబర్ వన్ తెలివైన ఆటను.. నంబర్ వన్ పోరాట క్రీడను కలిపితే వచ్చిందే.. చెస్ బాక్సింగ్’’ – చెస్ బాక్సింగ్ రూపకర్త లీప్ రూబింగ్
► ‘చెస్ బాక్సింగ్ చాలా కష్టం. అటు బాక్సింగ్లో ప్రత్యర్థిని ఎదుర్కొంటూ, దెబ్బలు తగులుతూ ఉంటే.. ఇటు ప్రశాంతంగా, సహనంతో చెస్ ఆడాల్సి ఉంటుంది. మనసు, శరీరం రెండింటినీ ఒకే సమయంలో నియంత్రణలో ఉంచుకోవాల్సి ఉంటుంది’’ – చెస్ బాక్సింగ్ ఆర్గనైజేషన్ ఆఫ్ ఇండియా అధ్యక్షుడు మోంటు దాస్