టీఆర్‌ఎస్‌ నాయకులను కలిసిన బీజేపీ నేతల వ్యవహారంపై కమిటీ నివేదిక
సాక్షి, హైదరాబాద్‌: లింగోజీగూడ కార్పొరేటర్‌ అభ్యర్థి ఎన్నిక ఏకగ్రీవం కోసం పలువురు కార్పొరేటర్లతోపాటు బీజేపీ ముఖ్య నేతలు రాంచందర్‌రావు, శేఖర్‌రావు తదితరులు టీఆర్‌ఎస్‌ నేతలను, మంత్రి కేటీఆర్‌ను కలిసిన విషయంలో వారికి వారే సొంతంగా నిర్ణయం తీసుకొని వెళ్లారని నిజ నిర్ధారణ కమిటీ పేర్కొంది. ఈ వ్యవహారంపై బీజేపీ రాష్ట్ర అధ్యక్షుడు బండి సంజయ్‌ ఏర్పాటు చేసిన నిజ నిర్ధారణ కమిటీ తన నివేదికను ఆయనకు అందజేసింది. ఈ విషయంపై బండి సంజయ్‌కి సమాచారం ఇవ్వకపోవడం పొరపాటేనని నేతలు కమిటీ ముందు ఒప్పుకున్నారు. అయితే నివేదికపై ఎలాంటి చర్యలు తీసుకుంటారన్నది తేలాల్సి ఉంది.
చదవండి: మంత్రి కేటీఆర్‌కు కరోనా పాజిటివ్‌
అవమానాలు భరించలేం, పార్టీలో నుంచి వెళ్లిపోదామా?
