‘షాదీ ముబారక్‌’ సొమ్ము కాజేశారు! 

22 Aug, 2020 11:05 IST|Sakshi

లబ్ధిదారుడికి చెక్కు ఇవ్వకముందే డబ్బు డ్రా

సాక్షి, సిటీబ్యూరో: నగరానికి చెందిన ఓ లబ్ధిదారుడికి  ఇచ్చిన షాదీ ముబారక్‌ స్కీమ్‌ చెక్కు చెల్లకుండాపోయింది. ఇది జారీ కావడానికి ముందే తమిళనాడులో ఎన్‌క్యాష్‌ అయింది. ఈ మేరకు బాధితుడు శుక్రవారం సిటీ సైబర్‌ క్రైమ్‌ పోలీసులకు ఫిర్యాదు చేయగా.. కేసు నమోదు చేసుకున్న ఇన్‌స్పెక్టర్‌ జి.వెంకట్రామిరెడ్డి దర్యాప్తు ప్రారంభించారు. వివరాలు... చాంద్రాయణగుట్టకు చెందిన బాధితుడు ఈ ఏడాది జనవరిలో తన కుమార్తెకు వివాహం చేశాడు. నిరుపేద  కావడంతో షాదీ ముబారక్‌ పథకానికి దరఖాస్తు చేసుకున్నాడు.

మంజూరు కావడంతో ఈ ఏడాది ఫిబ్రవరి 22న బండ్లగూడ రెవెన్యూ అధికారులు చెక్కు అందించారు. దీన్ని బాధితుడు బ్యాంకులో డిపాజిట్‌ చేసినా ఎన్‌క్యాష్‌ కాలేదు. ఆరా తీయగా జనవరిలోనే ఈ చెక్కు చెన్నైలోని స్టేట్‌ బ్యాంక్‌ ఆఫ్‌ ఇండియా బ్రాంచ్‌లో ఎన్‌క్యాష్‌ (డబ్బు డ్రా ) అయినట్టు బ్యాంకు అధికారులు చెప్పారు. లాక్‌డౌన్‌ కారణంగా కొన్ని రోజులు ఆగిపోయిన బాధితుడు శుక్రవారం సిటీ సైబర్‌ క్రైమ్‌ ఠాణాలో ఫిర్యాదు చేయడంతో కేసు నమోదైంది. ఈ నేరం ఎలా జరిగిందనే కోణంలో అధికారులు దర్యాప్తు ప్రారంభించారు.

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా