నోరు జారిన మంత్రి గంగుల.. ఏకంగా సీఎంను మార్చేశారు!

10 Jul, 2021 20:30 IST|Sakshi

సాక్షి, కరీంనగర్‌ : మంత్రి గంగుల కమలాకర్‌ మరోసారి నోరు జారారు. ఓ సభలో ప్రజలను ఉద్ధేశించి మాట్లాడుతూ చంద్రబాబును తెలంగాణ సీఎంను చేసేశారు. ఆయన్ని దీవించాలని కోరి, నాలిక కరుచుకున్నారు. ఆ వెంటనే తప్పు సరిదిద్దుకున్నారు. మంత్రి గంగుల శనివారం కరీంనగర్ జిల్లాలో పల్లె ప్రగతి కార్యక్రమంలో పాల్గొన్నారు. రూరల్ మండలంలో పర్యటించారు.

ఈ సందర్భంగా ఏర్పాటు చేసిన ఓ సభలో మాట్లాడుతూ.. ‘‘ కడుపు నిండా భోజనం పెట్టిన వారి కడుపు సల్లగుండాలని దీవిస్తాం గదా! ఇంత మంచి పథకాలు ఇచ్చిన చంద్రబాబుకి కడుపునిండా దీవెనార్థాలు పెట్టాల్నా వద్దా అవ్వా!’’ అని అన్నారు. ఆ వెంటనే నోరు జారిన విషయాన్ని గుర్తించి. ‘‘ కేసీఆర్‌ గారు!... కడుపునిండా కేసీఆర్‌ గారికి ఒకసారి దీవార్థులు పెట్టురి’’ అని సరిదిద్దుకున్నారు.

Read latest Telangana News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు