రామభద్రపురం: పేదింటి ప్రతి విద్యార్థి చదువుకోవాలన్నదే ముఖ్యమంత్రి వైఎస్‌ జగన్‌మోహన్‌రెడ్డి లక్ష్యం.ఆ లక్ష్యంతోనే పిల్లలను బడికి పంపితే చాలు ప్రభుత్వమే వారి చదువుకు కావాల్సిన అన్ని రకాల సౌకర్యాలను ఉచింతంగా ఇస్తోంది. కార్పొరేట్‌ పాఠశాలలకు దీటుగా ప్రభుత్వ పాఠశాలల ఆధునికీకరణ, ఆయా ప్రైవేట్‌ పాఠశాలల్లో చదివే పిల్లలతో పోటీ పడేలా ప్రభుత్వ పాఠశాలల్లో ఆంగ్లమీడియంతో పాటు సీబీఎస్‌ఈని కూడా అమలు చేయనున్నారు. ఈ ఏడాది పాఠశాలలు పునఃప్రారంభించిన తొలిరోజునే విద్యాకానుక అందించేందుకు అధికార యంత్రాంగం సర్వ సిద్ధం చేసింది. ఇదంతా పిల్లలను బడికి పంపితే కలిగే ప్రయోజనం. ఈ క్రమంలో విద్యార్థుల సంఖ్యను పెంచడమే లక్ష్యంగా ఉపాధ్యాయులు ఇంటింటికీ వెళ్లి తల్లిదండ్రులకు అవగాహన కల్పిస్తున్నారు. మనబడికి రండి అంటూ ఉపాధ్యాయులు సాగిస్తున్న ప్రచారానికి అపూర్వ స్పందన లభిస్తోంది. పది అంశాలపై వివరణ మన బడికి రండి కార్యక్రమంలో భాగంగా ప్రచారం సాగిస్తున్న ఉపాధ్యాయులు పది అంశాలను తెలియజేస్తున్నారు. నాడు–నేడు పథకం ద్వారా పాఠశాల ఎలా తయారైందో తల్లిదండ్రులకు వివరిస్తున్నారు. ఆంగ్ల మాధ్యమం అందుబాటులో ఉందని చెబుతున్నారు. నూతన విద్యావిధానం ద్వారా ఒత్తిడిలేని బోధన ఉంటుందని చెబుతున్నారు. అలాగే క్వాలిఫైడ్‌ టీచర్లు అందుబాటులో ఉంటారని, విద్యాకానుక పథకం కింద పిల్లలకు ఉచితంగా యూనిఫాం, బూట్లు, సాక్సులు, పాఠ్యపుస్తకాలు, నోట్‌పుస్తకాలు, బ్యాగులు తదితర సామగ్రి అందిస్తున్నామని వివరిస్తున్నారు. మధ్యాహ్నం నాణ్యమైన భోజనం ఉంటుందని, బడికి పంపే తల్లుల ఖాతాలో ఏడాదికి రూ.15 వేలు నగదు జమకానుందని తెలియజేస్తున్నారు. పైసా ఖర్చు లేకుండా సొంత ఊరిలోనే పిల్లలకు ఉత్తమ విద్యను అందిచవచ్చునని పిలుపునిస్తున్నారు. ఈ మాటలు తల్లిదండ్రుల్లో నమ్మకాన్ని పెంచుతున్నాయి. ఫలితంగా ప్రభుత్వ పాఠశాలల్లో భారీగా అడ్మిషన్లు నమోదయ్యే అవకాశాలు కనిపిస్తున్నాయి.తారాపురంలో పిల్లలను బడిలో చేర్చుకుంటూ అడ్మిషన్‌ ఇస్తున్న ఉపాధ్యాయులు ప్రభుత్వ పాఠశాలల్లోనే మెరుగైన విద్య.. ప్రభుత్వ పాఠశాలల్లోనే మెరుగైన విద్యతో పాటు ఉన్నత విలువలు, సంస్కారం, సంప్రదాయాలు నేర్పుతున్నారు.ఆటపాటలతో కూడిన విద్యను బోధిస్తున్నారు. కార్పోరేట్‌కు దీటుగా ఉత్తమ విద్య బోధిస్తున్నాం. బడి ఈడు వయసున్న పిల్లలందరూ బడిలోనే ఉండాలి. – ఎన్‌.ప్రేమ్‌కుమార్‌, డీఈఓ, విజయనగరం తల్లిందండ్రులకు అవగాహన కల్పిస్తున్న ఉపాధ్యాయులు అందరూ చదువుకునేందుకు ప్రభుత్వం చర్యలు ఇంటింటి ప్రచారంతో సత్ఫలితాలు

ప్రైవేట్‌ ఆస్పత్రులపై వస్తున్న ఫిర్యాదులివే ● నోటిఫైడ్‌ డిసీజ్‌ (డెంగీ మొదలుకుని టీబీ వరకు)బాధితుల వివరాలను పోర్టల్‌లో నమోదు చేయకపోవడం ● ఇష్టారాజ్యం లింగనిర్ధారణ పరీక్షలు నిర్వహిస్తుండడం ● జనన ధ్రువీకరణ వివరాలు పోర్టల్‌లో నమోదు చేయకపోవడం ● సరైన కారణాలు లేకుండానే అబార్షన్లు నిర్వహించడం ● డెంగీ చికిత్సకు భారీగా డబ్బులు వసూలు చేయడం ● ఆరోగ్యశ్రీ సేవలకు రోగుల నుంచి డబ్బు వసూలు చేయడం ● కాన్పు సమయంలో తల్లుల మృతి పట్ల సరైన కారణాలు చూపకపోవడంపార్వతీపురంటౌన్‌: ప్రజారోగ్యానికి ప్రభుత్వం అధిక ప్రాధాన్యమిస్తోంది. వైద్యసేవలు పారదర్శకంగా అందజేయాలని, ప్రతి సేవకు జవాబుదారీగా ఉండాలని వైద్యారోగ్యశాఖ అధికారులకు సూచిస్తోంది. ఇందులో భాగంగా ఆస్పత్రుల తనిఖీలను తప్పనిసరి చేసింది. ప్రతినెలా ప్రభుత్వ, ప్రైవేట్‌ ఆస్పత్రుల తనిఖీకి ప్రత్యేక బృందాలను నియమించింది. నోటిఫైడ్‌ వ్యాధుల వివరాలు, సేవల తీరును విధిగా నమోదు చేయాలని ఆదేశాలు జారీచేసింది. వైద్యసేవలు అందజేయడంలో నిర్లక్ష్యం వహించినా, చట్టవిరుద్ధ కార్యకలాపాలకు పాల్పడినా, ఆస్పత్రి సేవల వివరాలు సరిగా నమోదు చేయకపోయినా ప్రైవేట్‌ ఆస్పత్రుల లైసెన్స్‌ రద్దు చేయాలని జిల్లా ఉన్నతాధికారులకు కుటుంబ సంక్షేమ శాఖ కమిషనర్‌ సూచించారు. దీంతో పార్వతీపురం మన్యం జిల్లాలో ఆస్పత్రుల తనిఖీలను వైద్యారోగ్యశాఖ అధికారులు ముమ్మరం చేశారు. ప్రైవేట్‌ నర్సింగ్‌ హోమ్స్‌, ఆస్పత్రులు, క్లినిక్‌ల సేవలపై నిఘా పెంచారు. ప్రతి నెలా ఆరు ప్రైవేట్‌ ఆస్పత్రుల తనిఖీ డీఎంహెచ్‌ ప్రతి నెలా జిల్లాలో ఆరు ప్రైవేట్‌ ఆస్పత్రులను తనిఖీ చేయాలి. తనిఖీ చేసిన ఆస్పత్రుల నివేదికను కుటుంబ సంక్షేమశాఖ పోర్టల్‌కు అనుసంధానించాలి. డీఎంహెచ్‌ఓతో పాటు మరో తనిఖీ బృందం కూడా ఉంటుంది. ఈ బృందాలు తరచూ తనిఖీలు నిర్వహించి ఎప్పటికప్పుడు నివేదికలు ఇవ్వాలి. ప్రైవేట్‌ వ్యక్తుల నుంచి నర్సింగ్‌ హోమ్‌ మీద వచ్చిన ఫిర్యాదులకు తక్షణమే స్పందించి పరిష్కరించాలి. డేటా ఎంట్రీ ఆపరేటర్లను నియమించుకోని ప్రైవేట్‌ ఆస్పత్రులపై చర్యలు తీసుకోనున్నారు. డెంగీగా నిర్ధారణ అయితేనే.. డెంగీ వ్యాధి నోటిఫైడ్‌ డిసీజ్‌. ఈ వ్యాధి సోకినప్పుడు ప్రైవేట్‌ ఆస్పత్రులు తప్పకుండా ప్రభుత్వానికి సమాచారం ఇవ్వాలి. అలా చేయకుండా ఏ జ్వరమైనా డెంగీగా చిత్రీకరించి, ప్లేట్‌లెట్లు తగ్గాయని వేలాది రూపాయలు వసూలు చేస్తున్నారు. వాస్తవానికి వైరల్‌ ఫీవర్‌కు కూడా ప్లేట్‌లెట్లు తగ్గడం సహజం. ప్రైవేట్‌ ఆస్పత్రుల్లో దీనిపై దోపిడీ జరుగుతున్నట్లు ఫిర్యాదులు వస్తున్నాయి. ఇకపై ఇలా చేసిన ఆస్పత్రులపై కఠిన చర్యలు తీసుకోనున్నారు. డెంగీ నిర్ధారణ రక్తపరీక్షల ద్వారానే కాదు, ప్రభుత్వ ఆస్పత్రిలో ఎలీసా టెస్టులో నిర్ధారణ అయితేనే డెంగీగా పరిగణించాలి. ప్లేట్‌లెట్లు తగ్గగానే డెంగీగా చిత్రీకరిస్తున్నారు. దీనిపై తనిఖీ బృందం ప్రత్యేక దర్యాప్తు నిర్వహిస్తుంది. సేవల్లో తేడా వస్తే ప్రైవేట్‌ ఆస్పత్రుల రిజిస్ట్రేషన్‌ రద్దు ప్రతినెలా తనిఖీ చేయనున్న వైద్యారోగ్య శాఖ అధికారులు నోటిఫైడ్‌ వ్యాధుల వివరాలు పోర్టల్‌లో నమోదు చేయాలి డేటా ఎంట్రీ ఆపరేటర్లను నియమించకపోతే చర్యలుఐహెచ్‌ఐపీ పోర్టల్‌లో ఆన్‌లైన్‌ తప్పనిసరి నోటిఫైడ్‌ వ్యాధులైన మలేరియా, డెంగీ, ఏఎఫ్‌పి, మీజిల్స్‌ (రాష్‌ తో కూడిన జ్వరం), పాము కాటు, కుక్క కాటు మొదలైనవి ప్రైవేట్‌ ఆస్పత్రుల్లో గుర్తిస్తే వెంటనే సమాచారం అందజేసి ఐహెచ్‌ఐపీ పోర్టల్‌లో తప్పనిసరిగా ఆన్‌లైన్‌లో నమోదు చేయాలి. ఆన్‌లైన్‌లో నమోదు చేయకపోతే ఆ యాజమాన్యాలపై శాఖాపరమైన చర్యలు తప్పవు. డెంగీ చికిత్సకు భారీగా డబ్బులు వసూలు చేస్తున్నారని సమాచారం ఉంది. దానిపై నిఘా పెట్టాం. – డాక్టర్‌ టి.జగన్‌మోహన్‌రావు, డీఎంఓ, పార్వతీపురం మన్యం రిజిస్ట్రేషన్‌ రద్దు చేస్తాం ప్రాణాంతక మలేరియా, డెంగీ, టీబీ, మ్యూకోమైకోసిస్‌, హ్యూమన్‌ రేబిస్‌, టైఫాయిడ్‌ వివరాలు ఇంటిగ్రేటెడ్‌ హెల్త్‌ ఇన్ఫర్మేషన్‌ సిస్టమ్‌, అబార్షన్‌, డెలివరీలు, ఆపరేషన్‌ వివరాలను హెల్త్‌ మెడికల్‌ ఇన్ఫర్మేషన్‌ సిస్టమ్‌లో నమోదు విషయమై ప్రైవేట్‌ నర్సింగ్‌ హోమ్స్‌ను తనిఖీ చేయాలని ఉన్నతాధికారుల నుంచి ఆదేశాలు వచ్చాయి. వివరాల నమోదులో నిర్లక్ష్యం చేస్తే షోకాజ్‌ నోటీసులు జారీ చేసి క్లినికల్‌ ఎస్టాబ్లిష్‌ మెంట్‌ చట్టం ప్రకారం ఆస్పత్రుల రిజిస్ట్రేషన్‌ రద్దు చేస్తాం. డా.కె.విజయ పార్వతి, డీఎంహెచ్‌ఓ, పార్వతీపురం మన్యం

● అధిక సంఖ్యలో దర్శించుకున్న భక్తులు నెల్లిమర్ల రూరల్‌: పవిత్ర పుణ్యక్షేత్రం రామతీర్థంలోని శ్రీ సీతారామస్వామి దేవస్థానంలో వైశాఖమాసం ఏకాదశి పర్వదినం సందర్భంగా ఆదివారం ప్రత్యేక పూజలు నిర్వహించారు. ఆలయ అర్చకులు వేకువజామున స్వామికి ప్రాతఃకాలార్చన, బాలభోగం నిర్వహించిన తరువాత యాగశాలలో ప్రత్యేక హోమాలు జరిపించారు. అనంతరం ప్రధాన ఆలయంలోని వెండి మంటపం వద్ద సీతారాముల నిత్య కల్యాణ మహోత్సం కనుల పండువగా జరిపించి భక్తులకు తీర్థ ప్రసాదాలు పంపిణీ చేశారు. వైశాఖమాసంలో ఏకాదశి కావడంతో ఉత్తరాంధ్ర జిల్లాల నుంచి భక్తులు అధిక సంఖ్యలో రామక్షేత్రానికి విచ్చేసి స్వామివారిని భక్తి శ్రద్ధలతో దర్శించుకున్నారు. పలువురు పర్యాటకులు అలనాటి చారిత్రక గుర్తులను తిలకించేందుకు బోడికొండపైకి వెళ్లారు. కార్యక్రమంలో అర్చకులు, దేవస్థాన సిబ్బంది పాల్గొన్నారు. కోటదుర్గమ్మను దర్శించుకున్న ఏఎస్పీపాలకొండ: ఉత్తరాంధ్రుల ఆరాధ్య దైవం పాలకొండ కోటదుర్గమ్మను పార్వతీపురం మన్యం జిల్లా అదనపు ఎస్పీ డాక్టర్‌ దిలీప్‌కుమార్‌ ఆదివారం దర్శించుకున్నారు. అమ్మవారి ప్రీతిపాత్రమైనరోజు, ఏకాదశి సందర్భంగా ఆయన ఆలయంలో ప్రత్యేక పూజలు నిర్వహించారు. ఈ సందర్భంగా ఆలయ అర్చకుడు దార్లపూడి లక్ష్మీప్రసాద్‌ శర్మ కుంకుమ పూజలు నిర్వహించి అమ్మవారి ఆశీర్వచనాలు అందజేశారు. ఆయన వెంట డీఎస్పీ కృష్ణారావు, సీఐ చంద్రమౌళి, ఎస్సై ప్రశాంత్‌కుమార్‌లు ఉన్నారు. అనంతరం ఆయన ఎన్నికల సయంలో చేపట్టిన బందోబస్తుపై సమీక్ష నిర్వహించి కౌంటింగ్‌ వరకు ఎక్కడా అల్లర్లు లేకండా 144 సెక్షన్‌ పక్కాగా అమలు చేయాలని పోలీస్‌ సిబ్బందికి సూచించారు. జిందాల్‌ కార్మికుల వంటావార్పు● కర్మాగారం వద్ద ఆందోళన కొత్తవలస: మండలంలోని అప్పన్నపాలెం గ్రామం సమీపంలో గల జిందాల్‌ స్టెయిన్‌లెస్‌స్టీల్‌ కర్మాగారాన్ని ముడిసరుకు కొరత కారణంగా తాత్కాలికంగా ఈనెల 17వ తేదీన మూసివేయడంతో నాటినుంచి కర్మాగారంలో కాంట్రాక్ట్‌, శాశ్వత పద్ధతిలో పనిచేస్తున్న సుమారు 280 మంది కార్మికులు కర్మాగారం ప్రధాన గేటు వద్ద టెంట్‌ వేసి ఆందోళన చేస్తున్నారు. ఈ ఆందోళన కార్యక్రమానికి వివిధ కార్మిక సంఘాలకు చెందిన నాయకులు, కర్మాగారం చుట్టుపక్కల గ్రామాలైన అప్పన్నపాలెం, ఉత్తరాపల్లి, నిమ్మలపాలెం గ్రామాలకు చెందిన సర్పంచ్‌లు సంఘీభావం తెలిపారు. ఈ క్రమంలో కార్మికులు ఆందోళన ఉద్ధృతం చేశారు. దీక్షా శిబిరం వద్ద ఆదివారం వంటావార్పు ఆందోళన చేపట్టి అక్కడే భోజనాలు చేసి టెంట్‌లో నిరసన తెలిపారు. ఈ సందర్భంగా కార్మికులు మాట్లాడుతూ సుమారు 38 సంవత్సరాలుగా పనిచేస్తున్నామని ఇప్పడు అర్ధాంతరంగా కర్మాగారం మూసివేస్తే మా బతుకులు రోడ్డుపాలవుతాయని ఆవేదన వెలిబుచ్చారు. కర్మాగారం వెంటనే తెరవాలని విజ్ఞప్తి చేశారు. కర్మాగారం మూసివేసిన కాలానికి పూర్తి వేతనం అందజేయాలని డిమాండ్‌ చేశారు. ఇప్పటికే కార్మిక సంఘాల నాయకులు కర్మాగారం యాజమాన్యంతో చర్చలు జరిపి కొన్ని డింమాండ్‌లను వారి ముందుంచారు. ఆ డిమాండ్‌లపై సోమవారం వివరణ ఇస్తామని యాజమాన్య ప్రతినిధులు ప్రకటించారు.

బొబ్బిలి: ఉత్తరాంధ్ర ఆరాధ్య దేవతలు గొల్లపల్లి దాడి తల్లి అమ్మవారు, పాత బొబ్బిలి సరిపోలమ్మ ఉత్సవాలు ఆదివారం ఘనంగా ప్రారంభమయ్యాయి. ఈ సందర్భంగా దేశమ్మ తల్లిని గొల్లపల్లి పాత బొబ్బిలి తదితర 12 గ్రామాల ప్రజలు దర్శించుకున్నారు. వివిధ ప్రాంతాల నుంచి వచ్చిన భక్తులు ఆయా ఆలయాలు సందర్శించి మొక్కులు చెల్లించుకున్నారు. గొల్లపల్లిలో దాడి తల్లి అమ్మవారి ఉత్సవ కమిటీ, పాత బొబ్బిలిలో అనువంశిక ధర్మకర్త జోడి గంజి రమేష్‌ నాయుడు గ్రామ పెద్దల ఆధ్వర్యంలో ఉత్సవాలు ప్రారంభమయ్యాయి సోమవారం ఉయ్యాల కంబాల ఉత్సవాలను నిర్వహిస్తారు. మంగళవారం సాయంత్రం నాలుగు గంటలకు సిరిమాను ఉత్సవాలు ప్రారంభమవుతాయి. ఉత్సవాల సందర్భంగా కోలాటాలు, ప్రభల ఊరేగింపు నిర్వహిస్తారు. స్టేజ్‌ ప్రదర్శనలు రద్దుఎన్నికల కోడ్‌ అమలులో ఉన్నందున సామూహికంగా ప్రజలు ఒకేచోట ఉండడం డీజేలు పెట్టడం, స్టేజీలపై సాంస్కృతిక ప్రదర్శనలు నిషేధమని సీఐ ఎం.నాగేశ్వరరావు ఒక ప్రకటనలో పేర్కొన్నారు ఉత్సవ కమిటీలు, గ్రామపెద్దలు ఈ సూచనలను తప్పనిసరిగా పాటించాలని కోరారు. విద్యార్థులకు కథల పోటీలుగరుగుబిల్లి: మండల కేంద్రంలోని శాఖాగ్రంథాలయంలో వేసవి శిక్షణ శిబిరంలో భాగంగా ఆదివారం పలు కార్యక్రమాలను నిర్వహించారు. ఈ మేరకు శాఖా గ్రంథాలయంలో విద్యార్థులకు కథలు, డ్రాయింగ్‌ తదితర పోటీలను నిర్వహించారు. వేసవి శిక్షణలో భాగంగా ప్రతి రోజు విద్యార్థులకు పోటీలు నిర్వహించడంతోపాటు మహనీయుల జీవిత విశేషాలను వివరించనున్నట్లు శాఖాగ్రంథాలయ నిర్వాహకుడు మధుసూదనరావు తెలిపారు.

నెల్లిమర్ల రూరల్‌: కోడి పందాలు ఆడుతూ పట్టుబడిన ఏడుగురు వ్యక్తులకు జిల్లా కోర్టు మూడు రోజుల సాధారణ జైలు శిక్ష, రూ.50 చొప్పున జరిమానా విధించిందని ఎస్సై రామగణేష్‌ ఆదివారం ఒక ప్రకటనలో తెలిపారు. గత నెల 9న జగ్గరాజుపేట గ్రామ శివారులో కోడిపందాలు ఆడుతున్న ఏడుగురు వ్యక్తులను అదుపులోకి తీసుకొని వారి వద్ద నుంచి నాలుగు కోడిపుంజులు, రూ.7,510 నగదు స్వాధీనం చేసుకున్నట్లు ఎస్సై పేర్కొన్నారు. నిందితులపై కేసు నమోదు చేసి జిల్లా కోర్టులో సెకెండ్‌క్లాస్‌ మెజిస్ట్రేట్‌ శ్రీనివాసరావు ముందు హాజరుపరచగా, ముద్దాయిలకు జైలుశిక్షతో పాటు అపరాధ రుసుం విధిస్తూ తీర్పు చెప్పారని పేర్కొన్నారు.