కోటక్‌ బ్యాంక్‌ లాభం రూ. 1,905 కోట్లు

14 May, 2020 04:04 IST|Sakshi

ముంబై: ప్రైవేట్‌  రంగ కోటక్‌ మహీంద్రా బ్యాంక్‌కు గత ఆర్థిక సంవత్సరం(2019–20) మార్చి క్వార్టర్‌లో రూ.1,905 కోట్ల నికర లాభం వచ్చింది. అంతకు  ముందటి ఆర్థిక సంవత్సరం (2018–19) ఇదే క్వార్టర్‌లో వచ్చిన నికర లాభం(రూ.2,038 కోట్లు)తో పోల్చితే 7 శాతం క్షీణించిందని కోటక్‌ మహీంద్రా బ్యాంక్‌  తెలిపింది. కేటాయింపులు బాగా పెరగడంతో నికర లాభం తగ్గిందని వివరించింది. మరిన్ని వివరాలు.....
► గత క్యూ4లో స్టాండ్‌అలోన్‌ నికర లాభం 10  శాతం తగ్గి రూ.1,267 కోట్లకు చేరింది.  
హా నికర వడ్డీ ఆదాయం రూ.3,036 కోట్ల నుంచి రూ. 3,560 కోట్లకు పెరిగింది. 4.72 శాతం నికర వడ్డీ మార్జిన్‌ సాధించింది.  
► స్థూల మొండి బకాయిలు 2.14 శాతం నుంచి 2.25 శాతానికి పెరిగాయి. కేటాయింపులు రూ.171 కోట్ల నుంచి రూ. 1,047 కోట్లకు పెరిగాయి. కరోనా కేటాయింపులు కూడా దీంట్లో ఉన్నాయి.  
► 2019–20 పూర్తి ఏడాదికి నికర లాభం 10% ఎగసి రూ.5,947 కోట్లకు పెరిగింది. రుణాలు 6%, డిపాజిట్లు 20% ఎగిశాయి.  
► కరోనా వైరస్‌ కల్లోలం నేపథ్యంలో సెక్యూరిటీలేని క్రెడిట్‌ కార్డ్, వ్యక్తిగత రుణాల బకాయిలు పేరుకుపోతున్నాయని, ఇది తమ రుణ నాణ్యతపై తీవ్రంగానే ప్రభావం చూప నున్నదని బ్యాంక్‌ ఎండీ ఉదయ్‌ కోటక్‌  వ్యాఖ్యానించారు.
► ఆర్థిక ఫలితాల నేపథ్యంలో బీఎస్‌ఈలో కోటక్‌ మహీంద్రా బ్యాంక్‌ షేర్‌ 2.3 శాతం లాభంతో రూ. 1,186 వద్ద ముగిసింది. 

Read latest Business News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు