న్యూఢిల్లీ: కరోనా నేపథ్యంలో భారీగా డౌన్‌లోడ్‌ అవుతున్న యాప్‌ ఆరోగ్యసేతు ‘గోప్యత’పై కాంగ్రెస్‌ నేత రాహుల్‌ గాంధీ అనుమానం వ్యక్తంచేశారు. సర్వేలైన్స్‌ విధానం కలిగిన ఈ యాప్‌ ప్రస్తుతం ప్రైవేట్‌ ఆపరేటర్‌ చేతుల్లో ఉందని, ఈ నేపథ్యంలో యాప్‌ గోప్యతపై అనుమానాలు రేకెత్తుతున్నాయన్నారు. మనలను మనం సురక్షితంగా ఉంచుకోవడం కోసం టెక్నాలజీ ఉపయోగించుకోవచ్చని, అయితే ప్రజల అనుమతి లేకుండా వారిని ట్రాక్‌ చేస్తారన్న భయం రాకుండా చూసుకోవాల్సి ఉందన్నారు.
