మురళీధరన్‌గా ధనుష్‌?

29 Oct, 2020 00:31 IST|Sakshi

ప్రముఖ శ్రీలంకన్‌ క్రికెటర్‌ ముత్తయ్య మురళీధరన్‌ బయోపిక్‌ అనుకోకుండా వివాదంలో ఇరుక్కుంది. మురళీధరన్‌గా తమిళ నటుడు విజయ్‌ సేతుపతి నటిస్తారని ప్రకటించారు. ‘800’ టైటిల్‌తో తెరకెక్కనున్న ఈ సినిమాకు యంఎస్‌ శ్రీపతి దర్శకుడు. ఫస్ట్‌ లుక్‌ కూడా విడుదలయింది. అయితే విజయ్‌ సేతుపతి ఈ సినిమా నుంచి తప్పుకోవాలని తమిళులు సోషల్‌ మీడియా ద్వారా నిరసన తెలియజేశారు. మురళీధరన్‌కి తమిళ మూలాలున్నప్పటికీ  ఒక్కసారి కూడా తమిళ సమస్యలకు మద్దతుగా మాట్లాడలేదు, నిలబడలేదు అన్నదే ఆ నిరసనకు కారణం. 

పలువురు దర్శకులు కూడా సేతుపతిని తప్పుకోమని కోరారు. ‘నా వల్ల నువ్వు ఇబ్బందిపడొద్దు. ఈ సినిమా నుంచి తప్పుకో’ అని విజయ్‌ సేతుపతికి ఓపెన్‌ లెటర్‌ రాశారు మురళీధరన్‌. ఇప్పుడు ఆ పాత్ర ఎవరు చేస్తారనే చర్చ నడుస్తోంది. తాజాగా మురళీధరన్‌ పాత్రకు ధనుష్‌ పేరుని పరిశీలిస్తున్నారని కోలీవుడ్‌ టాక్‌. మరి ధనుష్‌ ఈ ప్రాజెక్ట్‌లో భాగమవుతారా? వేచి చూడాలి. అసలు మురళీధరన్‌ బయోపిక్‌ తెరకెక్కుతుందా? అనే సందేహం కూడా పలువురిలో ఉంది.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా