ఎక్స్‌ట్రార్డినరీ లెవల్‌లో డ్యాన్స్‌ చేశారు నితిన్. వక్కంతం వంశీ దర్శకత్వంలో నితిన్, శ్రీలీల జంటగా నటిస్తున్న చిత్రం ‘ఎక్స్‌ట్రా: ఆర్డినరీ మ్యాన్‌’. రాజశేఖర్‌ ఓ కీలక పాత్రధారి. ప్రస్తుతం ఈ సినిమా షూటింగ్‌ హైదరాబాద్‌ శివార్లలో జరుగుతోంది. ఓ భారీ సెట్‌లో 300 మందికి పైగా ఫారిన్‌ డ్యాన్సర్స్‌తో జానీ మాస్టర్‌ కొరియోగ్రఫీలో నితిన్, శ్రీలీలపై ఓ మాస్‌ సాంగ్‌ను చిత్రీకరిస్తున్నారు.
ఈ పాటతో ఈ సినిమా చిత్రీకరణ పూర్తవు తుందని, మరోవైపు పోస్ట్‌ ప్రొడక్షన్‌ కార్యక్రమాలు కూడా జరుగుతున్నాయని యూనిట్‌ పేర్కొంది. శ్రేష్ఠ్‌ మూవీస్, ఆదిత్యా మూవీస్ అండ్‌ ఎంటర్టైన్మెంట్స్, రుచిర ఎంటర్టైన్మెంట్స్ పతాకాలపై ఎన్‌. సుధాకర్‌ రెడ్డి, నికితా రెడ్డి నిర్మిస్తున్న ఈ చిత్రం డిసెంబరు 8న విడుదల కానుంది. ఈ చిత్రానికి సంగీతం: హ్యారిస్‌ జైరాజ్‌.
