కాలేజ్‌ బ్యాక్‌డ్రాప్‌ చిత్రాల్లో ‘హ్యాపీ డేస్‌’ (2007) ఓ ట్రెండ్‌ సెట్టర్‌. శేఖర్‌ కమ్ముల దర్శకత్వంలో రూపొందిన ఈ యూత్‌ఫుల్‌ చిత్రం విడుదలై పదిహేడేళ్లయింది. వరుణ్‌ సందేశ్, తమన్నా భాటియా, నిఖిల్‌ సిద్ధార్థ్‌ తదితరుల కాంబినేషన్‌లో అమిగోస్‌ క్రియేషన్స్‌ నిర్మించిన ఈ చిత్రం అప్పట్లో మంచి వసూళ్లతో సంచలన విజయం సాధించింది.
శేఖర్‌ కమ్ముల టేకింగ్, నటీనటుల పెర్ఫార్మెన్స్, మిక్కీ జే మేయర్‌ సంగీతం, విజయ్‌ సి. కుమార్‌ కెమెరా పనితనం అన్నీ అద్భుతంగా కుదిరిన ఈ చిత్రం ఇప్పుడు మళ్లీ విడుదల కానుంది. ఏప్రిల్‌ 12న ఈ చిత్రం తెలంగాణ, ఆంధ్రప్రదేశ్‌లో గ్లోబల్‌ సినిమాస్‌ ద్వారా ప్రేక్షకుల ముందుకు రానుంది.
