పెళ్లి సందడి మళ్లీ మొదలు

10 Oct, 2020 00:47 IST|Sakshi

దర్శకేంద్రుడు కె. రాఘవేంద్రరావు తెరకెక్కించిన వందకు పైగా చిత్రాల్లో ఎన్నో బ్లాక్‌బస్టర్‌ సినిమాలున్నాయి. మ్యూజికల్‌ హిట్స్‌ ఉన్నాయి. ఆయన బెస్ట్‌ సినిమాల్లో మ్యూజికల్‌ బ్లాక్‌బస్టర్‌ చిత్రం ‘పెళ్లి సందడి’ ఒకటి. శ్రీకాంత్‌ హీరోగా తెరకెక్కిన ఈ చిత్రం సంచలనాత్మక విజయం సాధించిన సంగతి తెలిసిందే. తాజాగా ‘పెళ్లి సందడి’ టైటిల్‌తో ఓ చిత్రాన్ని తెరకెక్కిస్తున్నట్టు ప్రకటించారు ఆయన. ‘మ్యూజికల్‌ సిట్టింగ్స్‌ ప్రారంభం అయ్యాయి, నటీనటుల వివరాలు త్వరలో చెబుతాం’ అని ఓ వీడియో ద్వారా ప్రకటించారు. మాధవి కోవెలమూడి, ప్రసాద్‌ దేవినేని, శోభు యార్లగడ్డ ఈ చిత్రాన్ని నిర్మించనున్నారు. ఈ సినిమాలో హీరోగా శ్రీకాంత్‌ తనయుడు రోషన్‌ నటిస్తారని ప్రచారం జరుగుతోంది.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా