కరోనాతో భార్యాభర్తలు మృతి.. మరో ఆరుగురికి..

14 Aug, 2020 10:35 IST|Sakshi

సాక్షి, కామారెడ్డి: కామారెడ్డి పట్టణంలో విషాదం చోటుచేసుకుంది. పంచముఖ హనుమాన్‌ కాలనీలో వారం రోజుల వ్యవధిలో భార్యాభర్తలు కరోనా బారినపడి మృతి చెందారు. కరోనా లక్షణాలతో హోం క్వారంటెన్‌లో ఉన్న రాజేష్(35) అనే యువకుడు బాత్ రూమ్‌లో జారిపడి ఈ నెల 7న మృతి చెందాడు. కరోనాతో గాంధీ ఆస్పత్రిలో చికిత్స పొందుతున్న అతని భార్య గురువారం మృతి చెందింది. మరో వైపు మృతుడి కుమార్తె, తల్లిదండ్రులకు కూడా కరోనా పాజిటివ్‌గా తేలింది.

అంతేకాకుండా మృతుడి అంత్యక్రియలకు హాజరైన 6 మందికి కరోనా సోకినట్లు వైద్యపరీక్షల్లో వెల్లడైంది. దీంతో రాజేష్ అంత్యక్రియలకు హాజరైన బంధువులు, స్నేహితుల్లో ఆందోళన మొదలైంది. కాగా. అంత్యక్రియలకు హాజరైన వారికి  వైద్య సిబ్బంది పరీక్షలు చేస్తున్నారు. అయితే కామారెడ్డిలో గతంలో కూడా ఓ వ్యాపారి ఇచ్చిన విందు ద్వారా ఐదుగురికి కరోనా సోకిన సంగతి తెలిసిందే.  (కరోనా: తెలంగాణ హెల్త్‌ బులెటిన్‌)

మీ అభిప్రాయాలను కింద తెలపండి

Read latest Telangana News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
Load Comments
Hide Comments

మరిన్ని వార్తలు