ప్రేమలు హీరోయిన్ తో ప్రేమలో పడనున్న రౌడీ..
Breaking News
కేంద్ర సాహిత్య అకాడమీ అరుదైన ఘనత.. తొలిసారి అవార్డ్!
Published on Sun, 04/28/2024 - 16:02
కేంద్ర సాహిత్య అకాడమీకి మణిపూర్ రాష్ట్ర చలనచిత్ర పురస్కారం లభించింది. సుప్రసిద్ధ మణిపురీ రచయిత ప్రకాశ్ సింగ్ జీవితసాహిత్యాలపై అకాడమీ రూపొందించిన డాక్యుమెంటరీ చిత్రానికి ఉత్తమ జీవితచరిత్ర, కళా సాంస్కృతిక చిత్రాల విభాగంలో ఈ పురస్కారం లభించింది. ఇంపాల్లో వైభవంగా జరిగిన మణిపూర్ రాష్ట్ర చలనచిత్ర పురస్కారాల మహోత్సవంలో ఆ రాష్ట్ర గవర్నర్ అనుసూయా ఉయికే కేంద్ర సాహిత్య అకాడమీ కార్యదర్శి డాక్టర్ కృత్తివెంటి శ్రీనివాసరావుకు ఈ పురస్కారం ప్రదానం చేశారు.
అవార్డు లభించిన సాహిత్య అకాడమీ డాక్యుమెంటరీ చిత్రానికి దర్శకత్వం వహించిన ప్రముఖ రచయిత ఆరిబమ్ శర్మకు ఉత్తమ డైరెక్టర్ పురస్కారం, చోంగ్ తమ్ కమలాకు ఉత్తమ వాయిస్ ఓవర్ అవార్డ్ లభించాయి. వివిధ భారతీయ భాషలకు చెందిన సాహితీప్రముఖుల జీవనప్రస్థానంపై సాహిత్య అకాడమీ ఇంతవరకు 172 డాక్యుమెంటరీ చిత్రాలు నిర్మించింది. సాహిత్య అకాడమీ డాక్యుమెంటరీ చిత్రానికి ఒక రాష్ట్ర ప్రభుత్వ చలనచిత్ర పురస్కారం లభించడం ఇదే మొదటిసారి.
Tags