మీ బిడ్డ విజయాన్ని దేవుడు కాకుండా ఇంకెవ్వడు ఆపలేడు
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్
విమానంలో పొగలు.. బయటకు దూకుతుండగా ప్రయాణికులకు గాయాలు
తల లేకున్నా గెల వేసింది.
Published on Tue, 04/24/2018 - 09:24
అమలాపురం : అరటి చెట్టు కొన్నాళ్లు ఎదిగాక, మొవ్వు నుంచి కోటాకు వేసి, ఆనక దాన్నుంచి పువ్వు వచ్చి, అది గెలగా అభివృద్ధి చెందుతుంది. ఇదీ ఏ అరటి చెట్టయినా ఫలసాయాన్నిచ్చే క్రమం. అయితే ఓ అరటిచెట్టును మొదలంటా నరికేసినా.. తల లేని మెండెం లాంటి మొదలు నుంచే గెల వేసి, కాయలు ఏపుగా ఎదుగుతున్నాయి.
కొత్తపేట మండలం అవిడిరేవు సమీపంలో కొబ్బరిరైతు, ఇండియన్‌ ఎయిర్‌ ఫోర్స్‌ మాజీ ఆడిటర్‌ ఉద్దరాజు ప్రసాదరాజు సాగుచేస్తున్న తోటలో ఓ అరటిచెట్టును తెగులు కారణంగా నరికేశారు. అయితే ఆ చెట్టు మొదలు నుంచే గెల వచ్చి, ఎదుగుతూ..‘నన్ను నేలకూల్చినా.. చైతన్యబావుటానై నింగికెగుస్తా’ అన్న ఓ విప్లవకారుడి మాటలను గుర్తుకు తెస్తోంది.
అదే తోటలో ఆ చెట్టు పక్కనే నరికిన మరో చెట్టు మొదలు నుంచి కొత్త పిలక వచ్చి, అనతి కాలంలోనే గెల వేయడం మరో విశేషం. ఆ సమీపంలో ఉన్న ప్రసాదరాజుకే చెందిన మరో తోటలో ఒకే విత్తనం కొబ్బరికాయ నుంచి ఏకంగా మూడు మొక్కలు రావడం ఇంకో తమాషా. ఆ మూడు మొక్కలూ ప్రస్తుతానికి ఏపుగా పెరుగుతున్నాయని, కాపు ఎలా ఉంటుందో చూడాలని ప్రసాదరాజు ‘సాక్షి’తో అన్నారు.
#
Tags