ఫ్రెండ్‌ కోసం పెళ్లినే వాయిదా వేసుకున్న హీరోయిన్‌ (ఫోటోలు)
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్‌
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్‌
విమానంలో పొగలు.. బయటకు దూకుతుండగా ప్రయాణికులకు గాయాలు
స్పైస్‌జెట్‌ ఎయిర్‌ కార్గో సర్వీసులు
Published on Tue, 09/11/2018 - 00:31
న్యూఢిల్లీ: స్పైస్‌జెట్‌ కంపెనీ ఈ నెల 18 నుంచి పూర్తి స్థాయి ఎయిర్‌ కార్గో సర్వీసులను ప్రారంభించనుంది. స్పైస్‌ ఎక్స్‌ప్రెస్‌ బ్రాండ్‌ కింద ఈ ఎయిర్‌ కార్గో సర్వీసులను అందిస్తామని స్పైస్‌జెట్‌ సీఎమ్‌డీ అజయ్‌ సింగ్‌ చెప్పారు. పూర్తి స్థాయి ఎయిర్‌ కార్గో సేవలను అందిస్తున్న తొలి దేశీయ విమానయాన సంస్థ తమదేనని పేర్కొన్నారు.. బోయింగ్‌ 737–700 విమానాన్ని దీని కోసం వినియోగిస్తామని, ఇది 20 టన్నుల కార్గోను రవాణా చేయగలదని, తొలి సర్వీస్‌ను ఢిల్లీ నుంచి బెంగళూరుకు నిర్వహిస్తామని తెలిపారు.
ఆరంభంలో గౌహతి, హాంకాంగ్, కాబూల్, అమృత్‌సర్‌లకు ఎయిర్‌ కార్గో సర్వీసులను అందిస్తామని పేర్కొన్నారు. తాజా పండ్లు, కూరగాయలను పశ్చిమాసియా ప్రాంతానికి రవాణా చేస్తామని వివరించారు. ఐదేళ్లలో ఎయిర్‌ కార్గో ట్రాఫిక్‌ 60 శాతం వృద్ధి చెందగలదన్న అంచనాలున్నాయని పేర్కొన్నారు. వచ్చే ఏడాది మార్చి నాటికి ఎయిర్‌ కార్గో సర్వీసుల కోసం నాలుగు విమానాలను కేటాయిస్తామని, కెపాసిటీని రోజుకు 900 టన్నులకు పెంచుతామని తెలిపారు.
తమ అనుబంధ వ్యాపార వృద్ధికి ఈ ఎయిర్‌కార్గో సర్వీసులు ఇతోధికంగా తోడ్పాటునందిస్తాయన్న ఆశాభావాన్ని ఆయన వ్యక్తం చేశారు. కాగా, రూపాయి పతనం, ముడిచమురు ధరల మంట నేపథ్యంలో మరో 2–3 నెలల్లో విమానయాన చార్జీలు పెరిగే అవకాశం ఉందని అజయ్‌ సింగ్‌ పేర్కొన్నారు.
#
Tags