ఆరోజు నాన్నను అవమానించి..సీఎం జగన్ ఎమోషనల్ స్పీచ్
Breaking News
బుల్లి ఐన్స్టీన్..
Published on Thu, 05/15/2014 - 04:17
తెలివితేటల్లో ప్రఖ్యాత శాస్త్రవేత్త అల్బర్ట్ ఐన్స్టీన్ స్థాయిని దాటిన మరో బుల్లి మేధావి ఇతడు. బ్రిటన్లోని రామ్ఫోర్డ్కు చెందిన రమర్నీ విల్ఫ్రెడ్ అనే ఈ పదకొండేళ్ల కుర్రాడు మెన్సా ఐక్యూ టెస్ట్లో 162 పాయింట్లు సాధించాడు. మూడేళ్లకే చదవడం, రాయడం నేర్చేసుకున్న విల్ఫ్రెడ్ ఎన్సైక్లోపీడియా పుస్తకాన్ని తెగ ఇష్టంతో చదివేశాడట. అంతేకాదు.. పాలపీక నోట్లో పెట్టుకోవాల్సిన వయసులోనే తల్లితో వార్తల గురించి చర్చించడం మొదలుపెట్టాడట. ఇంకేం.. తాజాగా బ్రైబెక్ యూనివర్సిటీలో నిర్వహించిన మెన్సా ఐక్యూ టెస్ట్లో విల్ఫ్రెడ్ ఏకంగా 162 పాయింట్లు సాధించాడు. దీంతో విల్ఫ్రెడ్ అత్యుత్తమ స్కోరును సాధించాడని, అతడిని తమ ఐక్యూ సొసైటీ మెన్సాలోకి ఆహ్వానించేందుకు సంతోషిస్తున్నామంటూ మెన్సా చీఫ్ ఎగ్జిక్యూటివ్ జాన్ స్టీవెనేజ్ ప్రకటించారు. ఐన్స్టీన్ ఐక్యూ స్థాయి సుమారుగా 160 పాయింట్లు ఉండవచ్చని నిపుణుల అంచనా.
Tags