amp pages | Sakshi

మనిషి తిండిలో కలిపారు.. మట్టి

Published on Sun, 02/23/2020 - 11:49

బసవరాజు ప్రసాదరావు, పద్మనాభం తమ్ముడు: దేశోద్ధారకులు (1973) చిత్రంలోని ‘ఆకలయ్యి అన్నమడిగితే పిచ్చోడన్నారు నాయాళ్లు/కడుపు మండి న్యాయమడిగితే ఎర్రోడన్నారు నాయాళ్లు/నన్ను పిచ్చోడన్నారు నాయాళ్లు’ పాటను అన్నయ్య ఇంట్లో బాగా ఎక్కువగా పాడుతుండేవాడు. అది తనకు చాలా ఇష్టమైన పాట అని చెబుతుండేవాడు. 
ఈ పాటను విజయవాడలోని గాంధీ హిల్స్‌ మీద 1973 ఫిబ్రవరి నెలలో తీశారు. విజయవాడలో ఎండలు బాగా ఎక్కువ. అటువంటి ప్రదేశంలో అన్నయ్య కాళ్లకు చెప్పులు లేకుండా నటించాడు. కాళ్లకు బొబ్బలు కూడా ఎక్కాయి. ఈ పాట షూటింగ్‌ ఒకటిన్నర రోజులలో పూర్తయింది. గాంధీ హిల్‌తో పాటు బెంజి సర్కిల్, కృష్టా బ్యారేజీ దగ్గర తీశారు. 
‘‘పెళ్లాము పుస్తి తాకట్టు పెట్టి/పచారు కొట్టుకి సామాను కెడితే/కొలిచారు రాళ్లు నాయాళ్లు’’ అంటూ ఏడుస్తూ పాడతాడు అన్నయ్య. ఎక్కడ చూసినా కల్తీ మందులు, కల్తీ దినుసులే అనే ఆవేదన కనిపిస్తుంది ఈ చరణంలో. హృదయ విదారకమైన సన్నివేశాలతో కూడిన పాట ఇది. అందువల్ల ఇది హృదయంలో నాటుకుపోయింది. ‘‘ఇచ్చిన సరుకులో పుచ్చింది సగపాలు/కొలిచిన సరుకులో మిగిలేది అర పాలు/రివాజు తప్పి లంచాలు పెట్టి కలిపారు మట్టి నాయాళ్లు/మనిషి తిండిలో కలిపారు మట్టి నాయాళ్లు’’ అంటూ గుండెలు పగిలేలా పాడతాడు అన్నయ్య. 

అన్నయ్యకు సినిమాలు తగ్గిపోయాక ముఖ్యంగా ఆఖరి రోజుల్లో పది సంవత్సరాల పాటు నాటకాలు వేశాడు. చింతామణి నాటకంలో సుబ్బిశెట్టి వేషం వేస్తున్నప్పుడు ప్రేక్షకులు ఈ పాట పాడమని కోరేవారు. ఒకసారితో ఆగేవారు కాదు. వన్స్‌మోర్‌ అనగానే మళ్లీ పాడేవాడు. ‘దేశాన్నుద్ధరించడానికి పుట్టామంటారు నాయాళ్లు/దేశానికే చీడపురుగులు ఈ దొంగనాయాళ్లు/పుచ్చి పోయిన సరుకులాగానే పుచ్చిపోతారు నాయాళ్లు/పురుగులు పడి చస్తారు ఈ దొంగ నాయాళ్లు’ అనే చరణంలో అన్నయ్య నటన చూస్తే ఇప్పటికీ మాకు కళ్లలో నీళ్లు ఆగవు. ఎంతో ఆవేదనతో కూడిన పాత్ర ఇది. అన్నయ్యకు పాడటం వచ్చు కనుక ఆ పాటను అందరూ మెచ్చుకునేలా పాడేవాడు. అప్పుడప్పుడు మా దగ్గర కూడా పాడేవాడు. 
మా అన్నయ్య మా చేత శ్రీపద్మా పిక్చర్స్‌ అనే డిస్ట్రిబ్యూషన్‌ సంస్థను పెట్టించాడు. ‘గండర గండడు’ సినిమాతో ప్రారంభమై, సుమారు 30 సినిమాలు తీశాం. 
ఈ సినిమా కడపలో రెండు వందల రోజులు ఆడింది. భారీ ఎత్తున ఫంక్షన్‌ ఏర్పాటుచేశారు. ఈ ఫంక్షన్‌కి మా అన్నయ్యను ఒక రిక్షాలో కూర్చోబెట్టి, 400 రిక్షాలతో ఊరేగింపుగా రైలు నుంచి డప్పులు కొట్టుకుంటూ థియేటర్‌ వరకు తీసుకువచ్చారు. ఈ పాటలో అన్నయ్య రిక్షా తొక్కాడు కనుక, రిక్షా వారంతా వచ్చారు. థియేటర్‌లో అన్నయ్యకు అతిథి సత్కారాలు చేశారు.
సంభాషణ: వైజయంతి పురాణపండ

Videos

ఇది అభివృద్ధి అంటే.. సీఎం జగన్ స్ట్రాంగ్ కౌంటర్

పొరపాటున బాబుకు ఓటేస్తే పథకాలకు ముగింపే..!

జగనన్న రాకతో దద్దరిల్లిన గాజువాక సభ

గాజువాకలో జనజాతర

బీజేపీ, టీడీపీ, జనసేన తోడు దొంగలు..!

విశాఖ నుంచే ప్రమాణస్వీకారం చేస్తా

వీళ్లే మన అభ్యర్థులు.. ఈసారి ఢిల్లీ పీఠం కదలాలి

ఇచ్ఛాపురం బహిరంగ సభలో సీఎం జగన్ పవర్ ఫుల్ స్పీచ్

చంద్రబాబు చేసిన మోసాలు లైవ్ లో వినిపించిన సీఎం జగన్

బాబును చీల్చి చెండాడిన మహిళలు

Photos

+5

Lok Sabha Polls: మూడో విడత పోలింగ్‌.. ఓటేసిన ప్రముఖులు

+5

Lok Sabha Polls 2024 Phase 3: లోక్‌సభ 2024 మూడో విడత పోలింగ్‌ (ఫొటోలు)

+5

AP Heavy Rains Photos: మారిన వాతావరణం.. ఏపీలో కురుస్తు‍న్న వానలు (ఫొటోలు)

+5

పెళ్లి చేసుకున్న తెలుగు సీరియ‌ల్ న‌టి (ఫోటోలు)

+5

మచిలీపట్నం: జననేత కోసం కదిలి వచ్చిన జనసంద్రం (ఫోటోలు)

+5

మాచర్లలో సీఎం జగన్‌ ప్రచారం.. పోటెత్తిన ప్రజాభిమానం (ఫొటోలు)

+5

నెల్లూరు: పోటెత్తిన జనం.. ఉప్పొంగిన అభిమానం (ఫొటోలు)

+5

Sania Mirza: ఒంటరిగా ఉన్నపుడే మరింత బాగుంటుందంటున్న సానియా.. చిరునవ్వే ఆభరణం(ఫొటోలు)

+5

Shobha Shetty Engagement: గ్రాండ్‌గా ప్రియుడితో సీరియ‌ల్ న‌టి శోభా శెట్టి ఎంగేజ్‌మెంట్ (ఫోటోలు)

+5

ఆయ‌న‌ 27 ఏళ్లు పెద్ద‌.. మాజీ సీఎంతో రెండో పెళ్లి.. ఎవ‌రీ న‌టి?