రిజర్వేషన్లపై క్లారిటీ ఇచ్చిన సీఎం జగన్
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్
విమానంలో పొగలు.. బయటకు దూకుతుండగా ప్రయాణికులకు గాయాలు
నా మరో ప్రపంచం: నమ్రతా శిరోద్కర్‌
Published on Sat, 09/07/2019 - 13:24
మాజీ మిస్‌ ఇండియా, సూపర్‌స్టార్‌ మహేశ్‌ బాబు సతీమణి సోషల్‌ మీడియాలో యాక్టివ్‌గా ఉంటారన్న సంగతి తెలిసిందే. మహేశ్‌ సినిమాలకు సంబంధించిన అప్‌డేట్లతో పాటు తమ పిల్లలు గౌతం, సితారాల గురించిన విశేషాలను కూడా ఆమె అభిమానులతో షేర్‌ చేసుకుంటారు. ఎప్పటికప్పుడు ఫొటోలను అప్‌లోడ్‌ చేస్తూ అభిమానులను అలరించే నమ్రతకు ఇన్‌స్టా ఫాలోవర్లు కూడా ఎక్కువగానే ఉన్నారు. అయితే నటనకు విరామం ఇచ్చి ఎల్లప్పుడూ కుటుంబానికే ప్రాధాన్యతనిచ్చే నమ్రత తాజాగా తన మోడలింగ్‌ నాటి ఫొటోలను షేర్‌ చేశారు.
‘ఇతర సమయాల్లో నా మరో ప్రపంచం. నా బుక్‌లో లేని ఫొటో షేర్‌ చేసినందుకు ధన్యవాదాలు సంగీతా రాఘవన్‌. వర్క్‌మోడ్‌’ అనే క్యాప్షన్‌తో పోస్ట్‌ చేసిన నమ్రత ఫొటోకు అభిమానులు ఫిదా అవుతున్నారు. వైట్‌ టాప్‌, బాటమ్స్‌లో నమ్రతతో పాటు బాలీవుడ్‌ నటుడు అర్జున్‌ రాంపాల్‌ మాజీ భార్య మెహర్‌ జెసియా కూడా ఈ ఫొటోలో ఉన్నారు. ఇక నమ్రత ఫొటోపై స్పందించిన అభిమానులు.. ‘ఒకనాడు నటిగా మిమ‍్మల్ని మీరు రుజువు చేసుకున్నారు. అందాల రాణిగా నిలిచారు. నేడు ఒక గృహిణిగా, తల్లిగా, వ్యాపారవేత్తగా.. అన్నింటికీ మించి మా రాజకుమారుడి మహారాణిగా మీ బాధ్యతలన్నీ చక్కగా నెరవేరుస్తున్నారు. మీరు మా అందరికీ స్పూర్తిదాయకం మేడమ్‌’ అంటూ ప్రశంసలు కురిపిస్తున్నారు. కాగా 1993లో మిస్‌ ఇండియా కిరీటం దక్కించుకున్న నమ్రత బాలీవుడ్‌లో పలు సినిమాల్లో నటించారు. ఆ తర్వాత వంశీ సినిమాలో తనతో కలిసి నటించిన మహేష్‌ బాబును ప్రేమించిన ఆమె.. 2005లో అతడిని పెళ్లి చేసుకున్న సంగతి తెలిసిందే.
#
Tags