సీఎం జగన్ సభలో ఆసక్తికర ఫ్లెక్సీలు
Breaking News
బుడతడి స్పిన్కు వార్న్ ‘క్లీన్బౌల్డ్’
Published on Thu, 07/05/2018 - 12:48
కరాచీ: ఏడేళ్ల బుడతడి స్పిన్ బౌలింగ్కు దిగ్గజ స్పిన్నర్ షేన్ వార్న్ ‘క్లీన్బౌల్డ్’ అయ్యాడు. దీంతో చిన్నారి బౌలింగ్ను మెచ్చిన షేన్ వార్న్ నేరుగా అతడితో మాట్లాడాడు. అంతేకాదు అతడి గురించి షేన్ వార్న్ తన ట్విట్టర్లో కూడా పోస్టు చేశాడు. లారెస్ స్పోర్టింగ్ మూమెంట్ రేసులో నిలిచిన ఈ చిన్నారికి ఓటేయాలని వార్న్ పిలుపునిచ్చాడు.
పాకిస్తాన్కు చెందిన ఏడేళ్ల బుడతడి పేరు ఎలి మికల్ ఖాన్. ఏడేళ్ల వయసులోనే లెగ్ స్సిన్ వేస్తూ వార్న్ను సైతం ఆశ్చర్యానికి గురి చేశాడు. ఏదొక రోజు పాకిస్తాన్ జాతీయ జట్టుకు ఆడటమే తన లక్ష్యంగా మికల్ ఖాన్ పేర్కొన్నాడు. షేన్ వార్న్తో మాట్లాడిన సందర్భంలో ఆనందం తట్టుకోలేక కన్నీరు పెట్టుకున్నాడు. అంతేకాదు తనను అందరూ లిటిల్ షేన్ వార్న్ అని పిలవడం ఓ అరుదైన గౌరవంగా భావిస్తున్నట్లు అతను చెప్పాడు.
తాను భవిష్యత్తులో మరో షేన్ వార్న్ కావాలని అనుకుంటున్నట్లు చెప్పుకొచ్చాడు. మరొకవైపు ఆ బాలుడిపై వార్న్ సైతం ప్రశంసలు కురిపించాడు. ఏడేళ్ల వయసులోనే ఇలా బౌలింగ్ చేయడం అద్భుతమని వార్న్ కొనియాడాడు. ఆ చిన్నారిలో అసాధారణమైన టాలెంట్ ఉందని కితాబిచ్చాడు. అతనికి ఓటేసి గెలిపించాలని కోరాడు.
This was such a special moment for me and young Eli. He is such a wonderful young boy - please give the little guy your vote as he deserves it! Keep up the great work buddy ! Thankyou for your vote followers #LaureusSportingMoment “ https://t.co/xFwgpddp6n
— Shane Warne (@ShaneWarne) 3 July 2018
Tags