హిందూపూర్ కి చేరుకున్న సీఎం జగన్ జనంతో కిక్కిరిసిన రోడ్లు
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్
విమానంలో పొగలు.. బయటకు దూకుతుండగా ప్రయాణికులకు గాయాలు
బిహార్ ముఠా రాష్ట్రాన్ని ఏలుతోంది
Published on Tue, 03/01/2022 - 04:25
సుందరయ్య విజ్ఞానకేంద్రం (హైదరాబాద్‌): తెలంగాణ రాష్ట్రాన్ని బిహార్ ముఠా ఏలుతోందని పీసీసీ అధ్యక్షుడు రేవంత్‌ రెడ్డి విమర్శించారు. బిహారీల పాలనతో రాష్ట్రం దివాళా తీసిందని అన్నారు. సోమవారం బాగ్‌లింగంపల్లిలోని ఆర్టీసి కల్యాణ మండపంలో పార్టీ సభ్యత్వ నమోదు సమీక్షలో రేవంత్‌ ప్రసంగించారు. ప్రభుత్వ కీలక పదవుల్లో బిహారీలైన సోమేశ్‌కుమార్, అంజనీకుమార్, అరవింద్‌కుమార్, సందీప్‌కుమార్‌లను కూర్చోబెట్టారని.. తాజాగా ఎన్నికల్లో ఓటమి భయంతో ప్రశాంత్‌ కిషోర్‌ను బిహార్‌నుంచి తెచ్చుకున్నారని దుయ్యబట్టారు.
కేసీఆర్‌ పూర్వీకులు కూడా బిహార్ వాళ్లేనని రేవంత్‌ అన్నారు. ‘మీకు తెలంగాణ ప్రాంత ఐఏఎస్, ఐపీఎస్‌లు కనిపించడంలేదా? కేవలం బిహార్, ఎంపీ వాళ్లే కనిపిస్తున్నారా?’అని ప్రశ్నిం చారు. పాలమూరు బిడ్డ ప్రవీణ్‌కుమార్, ఐఏఎస్ మురళి కేసీఆర్‌ పాలన నచ్చక ధైర్యంగా రాజీనామా చేసి బయటికొచ్చారని చెప్పారు. డీజీపీ మహేందర్‌ రెడ్డి రాజీనామా చేసి బయటికి రావాలన్నారు. 12 నెలల్లో కాంగ్రెస్‌ సర్కార్‌ వస్తుందని అన్నారు.
దేశంలోనే నం.1గా నల్లగొండ
పార్టీ సభ్యత్వ నమోదు (4.30 లక్షలు)లో నల్లగొండ పార్లమెంట్‌ నియోజకవర్గం దేశంలోనే ప్రథమ స్థానంలో ఉందని రేవంత్‌రెడ్డి అభినందించారు. అతి తక్కువ నమోదు సికింద్రాబాద్‌లో ఉందన్నారు. ప్రతి బూత్‌లో కనీసం వంద సభ్యత్వాలు నమోదు చేయించనివారి పదవులను రద్దు చేస్తామని హెచ్చరించారు. ఈ నెల 25 వరకు సభ్యత్వాలను నమోదు చేయాలని, కష్టపడ్డవారికి కాంగ్రెస్‌లో అవకాశాలు వస్తాయని చెప్పారు.
#
Tags