ఫ్రెండ్‌ కోసం పెళ్లినే వాయిదా వేసుకున్న హీరోయిన్‌ (ఫోటోలు)
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్‌
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్‌
విమానంలో పొగలు.. బయటకు దూకుతుండగా ప్రయాణికులకు గాయాలు
గర్జించిన గంభీర్.. క్రిస్‌ గేల్‌ పోరాటం వృధా
Published on Thu, 12/07/2023 - 09:26
లెజెండ్స్‌ లీగ్‌ క్రికెట్‌ 2023 సీజన్‌లో మరో రసవత్తరమైన మ్యాచ్‌ జరిగింది. గుజరాత్‌ జెయింట్స్‌-ఇండియా క్యాపిటల్స్‌ మధ్య నిన్న (డిసెంబర్‌ 6) జరిగిన మ్యాచ్‌ చివరి నిమిషం వరకు హోరాహోరీగా సాగింది. భారీ స్కోర్లు నమోదైన ఈ మ్యాచ్‌లో గుజరాత్‌పై ఇండియా క్యాపిటల్స్‌ 12 పరుగుల తేడాతో గెలుపొందింది. క్రిస్‌ గేల్‌ (55 బంతుల్లో 84; 9 ఫోర్లు, 4 సిక్సర్లు), కెవిన్‌ ఓబ్రెయిన్‌ (33 బంతుల్లో 57ప 7 ఫోర్లు, 2 సిక్సర్లు) మెరుపు ఇన్నింగ్స్‌లతో పోరాడినప్పటికీ గుజరాత్‌ను గెలిపించలేకపోయారు. క్యాపిటల్స్‌ నిర్ధేశించిన లక్ష్యానికి గుజరాత్‌ 13 పరుగుల దూరంలో నిలిచిపోయింది.
గర్జించిన గంభీర్..
తొలుత బ్యాటింగ్‌ చేసిన క్యాపిటల్స్‌ కెప్టెన్‌ గౌతమ్‌ గంభీర్ (30 బంతుల్లో 51; 7 ఫోర్లు, సిక్స్‌) రాణించడంతో నిర్ణీత 20 ఓవర్లలో 7 వికెట్ల నష్టానికి 223 పరుగులు చేసింది. క్యాపిటల్స్‌ ఇన్నింగ్స్‌లో కిర్క్‌ ఎడ్వర్డ్స్‌ (26), కెవిన్‌ పీటర్సన్‌ (26), రికార్డో పావెల్‌ (28), బెన్‌ డంక్‌ (30), చిప్లి (35) ఓ మోస్తరు స్కోర్లు చేశారు. గుజరాత్‌ బౌలర్లలో ఎమ్రిట్‌, రజత్‌ భాటియా చెరో 2 వికెట్లు.. శ్రీశాంత్‌, లడ్డా, ప్రసన్న తలో వికెట్‌ దక్కించుకున్నారు.
Gambhir 🤝 Knock-out game.
— Johns. (@CricCrazyJohns) December 6, 2023
Captain Gambhir lead by example in LLC.....!!!!!pic.twitter.com/ZN6edPYZtb
గేల్‌ పోరాటం వృధా..
224 పరుగుల భారీ లక్ష్యాన్ని ఛేదించేందుకు బరిలోకి దిగిన గుజరాత్‌.. క్రిస్‌ గేల్‌, కెవిన్‌ ఓబ్రెయిన్‌ పోరాడినప్పటికీ విజయతీరాలకు చేరలేకపోయింది. గేల్‌, ఓబ్రెయిన్‌ క్రీజ్‌లో ఉండగా.. గుజరాత్‌ గెలుపు సునాయాసమేనని అంతా అనుకున్నారు. అయితే ఆ జట్టు ఆఖరి 3 ఓవర్లలో 18 పరుగులు మాత్రమే చేసి నాలుగు వికెట్లు కోల్పోయి ఓటమిపాలైంది.
గేల్‌, ఓబ్రెయిన్‌లకు ఇతరుల నుంచి సహకారం లభించకపోవడంతో ఆ జట్టు నిర్ణీత ఓవర్లలో 7 వికెట్లు కోల్పోయి 211 పరుగులు మాత్రమే చేయగలిగింది. జాక్‌ కల్లిస్‌ (11), రిచర్డ్‌ లెవి (11), అభిషేక్‌ ఝున్‌ఝున్‌వాలా (13) విఫలమయ్యారు. క్యాపిటల్స్‌ బౌలర్లలో రస్టీ థీరన్‌, ఈశ్వర్‌ పాండే చెరో 2 వికెట్లు.. ఫిడేల్‌ ఎడ్వర్డ్స్‌, ఇసురు ఉడాన తలో వికెట్‌ దక్కించుకున్నారు.
#
Tags