టీడీపీ, జనసేనకు బిగ్ షాక్...వైఎస్సార్సీపీలో భారీ చేరికలు
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్
విమానంలో పొగలు.. బయటకు దూకుతుండగా ప్రయాణికులకు గాయాలు
WC: నెదర్లాండ్స్ సంచలనం.. బంగ్లాదేశ్‌ను వెనక్కి నెట్టి మేటి జట్లతో పాటు నేరుగా
Published on Mon, 11/07/2022 - 08:34
T20 World Cup 2024: దక్షిణాఫ్రికాపై సంచలన విజయంతో నెదర్లాండ్స్ జట్టు టీ20 వరల్డ్‌కప్‌ టోర్నీ-2024 ఆడటానికి మార్గం సుగమం చేసుకుంది. 2024లో వెస్టిండీస్–అమెరికా సంయుక్తంగా ఆతిథ్యమిచ్చే ఈ మెగా ఈవెంట్‌కు నేరుగా అర్హత సాధించింది. కాగా తాజా ప్రపంచకప్‌లో టాప్‌–8లో నిలిచిన జట్లకు తదుపరి మెగా టోర్నీకి నేరుగా అర్హత కల్పించారు.
టీ20 ప్రపంచకప్‌-2022లో గ్రూప్‌-1 నుంచి సెమీస్‌కు అర్హత సాధించిన న్యూజిలాండ్, ఇంగ్లండ్‌లతో పాటు మూడు, నాలుగు స్థానాల్లో నిలిచిన ఆస్ట్రేలియా, శ్రీలంక ఈ జాబితాలో ఉన్నాయి. ఇక గ్రూప్‌-2 నుంచి సెమీస్‌లో అడుగుపెట్టిన భారత్‌, పాకిస్తాన్‌తో పాటు పాయింట్ల పట్టికలో మూడో స్థానంలో నిలిచిన దక్షిణాఫ్రికా, నాలుగో ప్లేస్‌లో ఉన్న నెదర్లాండ్స్ కూడా చోటు దక్కించుకున్నాయి.
బంగ్లాదేశ్‌ను వెనక్కినెట్టి
కాగా తాజా ఎడిషన్‌ సూపర్‌-12లో ఆఖరి రోజైన ఆదివారం (నవంబరు 6) డచ్‌ జట్టు సంచలనం సృష్టించిన విషయం తెలిసిందే. మేటి జట్టుగా పేరున్న సౌతాఫ్రికాను ఓడించి.. ప్రొటిస్‌ సెమీస్‌ ఆశలపై నీళ్లు చల్లింది. క్వాలిఫైయర్స్‌లో నమీబియాపై యూఏఈ విజయంతో సూపర్‌-12 వరకు వచ్చిన డచ్‌ జట్టు.. ఈ దశలో ఆడిన 5 మ్యాచ్‌లలో రెండు గెలిచింది.
ఈ క్రమంలో బంగ్లాదేశ్‌(-1.176) కంటే మెరుగైన రన్‌రేటు(-0.849)కలిగి ఉండి షకీబ్‌ బృందాన్ని వెనక్కి నెట్టి గ్రూప్‌-2లో టాప్‌-4లో నిలిచింది. తద్వారా ఓవరాల్‌గా టాప్‌-8లో నిలిచి వచ్చే ప్రపంచకప్‌నకు నేరుగా అర్హత సాధించింది. ఇక ఈ 8 జట్లతో పాటు ఆతిథ్య దేశాల హోదాలో వెస్టిండీస్, అమెరికా కూడా అర్హత పొందాయి.
అదే విధంగా ఐసీసీ ర్యాంకింగ్‌ ఆధారంగా మరో రెండు జట్లకు బెర్త్‌లు లభిస్తాయన్న సంగతి తెలిసిందే. ప్రస్తుతం తొమ్మిది, పది ర్యాంకుల్లో నిలిచిన బంగ్లాదేశ్‌, అఫ్గనిస్తాన్‌ ఈ స్లాట్‌ను బుక్‌ చేసుకున్నాయి. కాగా 2024 ప్రపంచకప్‌లో 20 జట్లు పాల్గొననున్న నేపథ్యంలో మిగతా ఎనిమిది బెర్త్‌లు రీజినల్‌ క్వాలిఫయింగ్‌ టోర్నీల ద్వారా ఖరారవుతాయి.
చదవండి: సూర్యకుమారా మజాకా.. ఒకే దెబ్బకు మూడు రికార్డులు బద్దలు
#
Tags