అచ్చెన్నాయుడు సొంత గ్రామంలో టీడీపీ రిగ్గింగ్ బయటపడ్డ వీడియో
Breaking News
సస్పెన్స్, థ్రిల్లర్ చిత్రంగా డీ3
Published on Sat, 03/18/2023 - 01:24
తమిళసినిమా: నటుడు ప్రజన్ కథానాయకుడిగా నటించిన చిత్రం డీ3. నటి విద్యా ప్రదీప్, చార్లీ, అభిషేక్, రాహుల్ మాధవ్ ముఖ్యపాత్రలు పోషించిన ఈ చిత్రానికి కథ దర్శకత్వ బాధ్యతలను బాలాజి నిర్వహించారు. బీమాస్ ఎంటర్టెయిన్మెంట్ పతాకంపై మనోజ్ ఎస్ నిర్మించిన ఈ చిత్రానికి శ్రీజిత్ ఎడ్వేనా సంగీతాన్ని, మణికంఠన్ బీకే చాయాగ్రహణం అందించారు. సస్పెన్న్స్, క్రైమ్ నేపథ్యంలో రూపొందిన యాక్షన్ కథా చిత్రం ఇది. నటుడు ప్రజన్ తొలిసారిగా పవర్ఫుల్ పోలీస్ అధికారిగా ఫుల్మాస్ పాత్రను ఇందులో పోషించారు. చిత్ర కథ ప్రధానంగా మెడికల్ క్రైమ్ నేపథ్యంలో సాగుతుంది. ప్రాణాలు రక్షించాల్సిన వైద్యులే ధన దాహంతో పిల్లలను కిడ్నాప్ చేసి వారి అవయవాలతో వ్యాపారం చేస్తుంటారు. ఆ వైద్యులకు కొందరు పోలీసుల అండదండలు ఉంటాయి. కిడ్నాపర్ల మిస్టరీని ఛేదించి నేరస్థులను చట్టానికి అప్పగించే విధి నిర్వహణలో యువ పోలీస్ అధికారి ప్రజన్ తన ప్రేమికురాలిని కూడా కోల్పోతాడు. తను ఆపదలో చిక్కుకొని ప్రాణాలను కోల్పోయే పరిస్థితికి చేరుకుంటాడు. బలమైన శత్రువులను ఎదుర్కొని కిడ్నాప్నకు గురైన పిల్లలను రక్షించగలిగాడా? ఆ దుర్మార్గులను చట్టానికి అప్పగించగలిగాడా? వంటి పలు ఆసక్తికరమైన అంశాలతో రూపొందిన చిత్రం డీ3. ఈ చిత్రం శుక్రవారం తెరపైకి వచ్చింది.
Tags