రిజర్వేషన్లపై క్లారిటీ ఇచ్చిన సీఎం జగన్
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్
విమానంలో పొగలు.. బయటకు దూకుతుండగా ప్రయాణికులకు గాయాలు
Roundup 2022: సిటీలో మొట్టమొదటిసారి కార్‌ రేసింగ్‌
Published on Sat, 12/24/2022 - 10:48
సాక్షి, సిటీబ్యూరో: హైదరాబాద్‌ మహానగరం ఈ ఏడాది మొట్టమొదటిసారి మోటారు క్రీడలకు ఆతిథ్యమిచ్చింది. నవంబర్, డిసెంబర్‌ నెలల్లో రెండు దఫాలుగా జరిగిన ఈ రేసింగ్‌లు మోటార్‌ స్పోర్ట్స్‌ అభిమానులను విశేషంగా ఆకట్టుకున్నాయి.
► నవంబర్ 19, 20 తేదీల్లో సాంకేతిక కారణాల దృష్ట్యా పోటీలను నిర్వహించలేకపోయినా రెండు రోజుల ట్రయల్స్‌ హైదరాబాద్‌ నగరానికి ఒక కొత్త క్రీడను పరిచయం చేశాయి.
► వచ్చే ఏడాది అంటే 2023 ఫిబ్రవరి 11వ తేదీన జరుగనున్న అంతర్జాతీయ ఎలక్ట్రిక్‌ వాహనాల రేసింగ్‌ పోటీలు ఫార్ములా–ఈ కి సన్నాహకంగా భావించే ఇండియన్‌ రేసింగ్‌ కార్‌కు నెక్లెస్‌ రోడ్డులో ఏర్పాటు చేసిన 2.8 కిలోమీటర్ల స్ట్రీట్‌ సర్క్యూట్‌ వేదికైంది.
► ఫిబ్రవరిలో జరుగనున్న ఫార్ములా–ఈ పోటీల కోసం సుమారు రూ. 100 కోట్ల వ్యయంతో హెచ్‌ఎండీఏ ఈ ట్రాక్‌ను నిర్మించింది. ఇదే ట్రాక్‌పై నవంబర్, డిసెంబర్‌ నెలల్లో ఇండియన్‌ రేసింగ్‌ కారు పోటీలను నిర్వహించారు.
హోరెత్తిన పోరు...
► హుస్సేన్‌సాగర్‌ తీరంలో రయ్‌మంటూ భారీ శబ్దంతో దూసుకెళ్లిన కార్లు నగరవాసులకు కొత్త పరిచయం. నవంబర్‌లో ఒక కారు ప్రమాదానికి గురికావడం, తరచు బ్రేక్‌డౌన్స్‌ చోటుచేసుకోవడం, రేసర్లు సన్నద్ధంగా లేకపోవడంతో ఈ నెలలో పోటీలను నిర్వహించలేదు.
► హైదరాబాద్‌కు చెందిన బ్లాక్‌బర్డ్స్‌తో పాటు చెన్నై, బెంగళూరు, కొచ్చి, ఢిల్లీ, ప్యారిస్, ఇటలీ తదితర నగరాలకు చెందిన 12 బృందాలు, 22 మంది రేసర్లు ఈ పోటీల్లో పాల్గొన్నారు.
► వాహనాల నిర్వహణ కోసం మెకానిక్‌లు, సాంకేతిక నిపుణులు, వివిధ విభాగాలకు చెందిన బృందాలతో నెక్లెస్‌ రోడ్డు కోలాహలంగా మారింది.
► డిసెంబర్‌లో రెండవ దఫా నిర్వహించిన పోటీల్లో కొచ్చి టీమ్‌ విజేతగా గెలిచింది. హైదరాబాద్‌ బ్లాక్‌బర్డ్స్‌ రన్నరప్‌గా నిలిచింది.
► యువతను ముఖ్యంగా మోటార్‌ స్పోర్ట్స్‌ అభిమానులను అలరించిన ఈ పోటీలతో హైదరాబాద్‌ నగరం ఈ రంగలో మొట్టమొదటిసారి అంతర్జాతీయ దృష్టిని ఆకర్షించింది.
► ఈ పోటీల వల్ల నగరంలో పెద్ద ఎత్తున ట్రాఫిక్‌ రద్దీ నెలకొని ప్రజలు తీవ్ర ఇబ్బందులకు గురయ్యారు. నగరానికి వెలుపల పోటీలను నిర్వహించాలని వివిధ వర్గాల నుంచి ఒత్తిడి వచ్చింది.
► ఫిబ్రవరిలో జరుగనున్న ఫార్ములా–ఈ పోటీలతో అంతర్జాతీయంగా హైదరాబాద్‌ ప్రతిష్ట మరింత పెరుగుతుందని ఈ రంగానికి చెందిన నిపుణులు అభిప్రాయపడుతున్నారు.
చదవండి: TS: సంక్షేమ శాఖల్లో 581 ఖాళీల భర్తీకి నోటిఫికేషన్‌
#
Tags