హైదరాబాద్, బిజినెస్‌ బ్యూరో: ఎయిర్‌ ఇండియా అనుబంధ సంస్థ అలయన్స్‌ ఎయిర్‌.. హైదరాబాద్ నుంచి నాసిక్‌ మీదుగా అహ్మదాబాద్‌కు సర్వీసు నడుపనుంది. ఫిబ్రవరి 1 నుంచి ఇది ప్రారంభమవుతుంది. ఉడాన్‌ స్కీమ్‌లో భాగంగా కొత్త సర్వీసు మొదలు పెడుతున్నట్టు కంపెనీ తెలిపింది.
గంట ప్రయాణానికి రూ.2,500 చార్జీ ఉంటుందని వివరించింది. 70 సీట్ల ఏటీఆర్‌–72 రకం విమానం ఇందుకు కేటాయించారు. హైదరాబాద్ నుంచి నాసిక్‌ వరకు ప్రతిరోజు, నాసిక్‌–అహ్మదాబాద్‌ రూట్లో సోమవారం నుంచి శనివారం వరకు సర్వీసు నడుస్తుంది.
