స్టైలిష్‌ స్టార్ అల్లు అర్జున్‌ అభిమానులకు గుడ్‌ న్యూస్‌. బన్నీ హీరోగా త్రివిక్రమ్‌ శ్రీనివాస్‌ దర్శకత్వంలో తెరకెక్కుతున్న ‘అల వైకుంఠపురములో..’ సినిమా రిలీజ్‌ డేట్‌ వచ్చేసింది. అందరూ ఊహించనట్లే ఈ సినిమా సంక్రాంతి కానుకగా విడుదల కాబోతుంది. వచ్చే ఏడాది జనవరి 12న సినిమా విడుదల కాబోతుందని చిత్ర యూనిట్‌ అధికారికంగా ప్రకటించింది. ఇప్పటికే చిత్రానికి సంబంధించి విడుదలైన ఫస్ట్‌ లుక్‌, బన్నీ డైలాగ్‌, ‘సామజవరగమన’సాంగ్, పోస్టర్‌ ఈ సినిమాపై హైప్‌ను క్రియేట్‌ చేశాయి.
త్రివిక్రమ్‌ శ్రీనివాస్‌ దర్శకత్వంలో తెరకెక్కుతున్న ఈ సినిమాను గీతాఆర్ట్స్‌, హారికా హాసిని క్రియేషన్స్‌ సంస్థలు సంయుక్తంగా నిర్మిస్తున్నాయి. టబు, జయరామ్, సుశాంత్, నివేదా పేతురాజ్‌ ముఖ్య పాత్రల్లో నటిస్తున్నారు. బన్నీ సరసన పూజా హెగ్డే హీరోయిన్‌గా నటిస్తున్న ఈ సినిమాకు తమన్‌ సంగీతమందిస్తున్నాడు.
For all the fans and movie lovers who have been waiting to see the hattrick combo again.#AlaVaikunthapurramuloo will be arriving at the theatres on 12th January, 2020. Let's Celebrate Sankranthi like an extended family at theatres, ONLY@alluarjun #Trivikram @hegdepooja pic.twitter.com/XFYKrmui0w
— Geetha Arts (@GeethaArts) October 12, 2019
