బాలీవుడ్ దర్శకుడు మథుర్ బండార్కర్ తెరకెక్కించిన క్యాలెండర్ గర్ల్స్ సినిమాలో ప్రధాన పాత్రలో నటించిన హాట్ బ్యూటి కైరా దత్. తెలుగులో అల్లు అర్జున్ హీరోగా తెరకెక్కిన రేసుగుర్రం సినిమాలో బూచాడే బూచాడే సాంగ్లో మెరిసిన ఈ బ్యూటీ మరోసారి టాలీవుడ్ ఆడియన్స్ను పలకరించనుంది. ఏక్తా కపూర్ నిర్మిస్తున్న త్రిపులెక్స్ సినిమా కోసం నగ్నంగా నటించేందుకు అగ్రిమెంట్ చేసుకొని సంచలనం సృష్టించిన ఈ బ్యూటీ కోలీవుడ్ లోనూ ఐటమ్ సాంగ్స్తో హవా చూపిస్తోంది.
అవకాశాల కోసం దర్శకుడు పూరి జగన్నాథ్, హీరోయిన్ చార్మీలు ఏర్పాటు చేసిన పూరి కనెక్ట్స్ను ఆశ్రయించిన కైరా, ఆ సంస్థ ద్వారా పూరి దర్శకత్వంలో తెరకెక్కుతున్న బాలయ్య సినిమాలో ఛాన్స్ కొట్టేసింది. ప్రస్తుతం పోర్చుగల్లో షూటింగ్ జరుపుకుంటున్న ఈ సినిమాలో ఐటమ్ సాంగ్ చేస్తోంది కైరా దత్. బాలకృష్ణ డాన్ పాత్రలో నటిస్తున్న ఈ సినిమాలో శ్రియ లీడ్ హీరోయిన్గా నటిస్తుండగా మరికొందరు మోడల్స్ సందడి చేయనున్నారన్న ప్రచారం జరుగుతోంది.
