ఇన్ని రోజులు గన్‌ షూటింగ్‌ ప్రాక్టీస్‌ చేసిన తాప్సీ ఇప్పుడు ఫీల్డ్‌లోకి దిగారు. ఆమెకు భూమి ఫడ్నేకర్‌ తోడయ్యారు. మరి.. వీరిద్దరూ ఎన్ని పతకాలు సాధించారు? అనేది వెండితెరపై తెలుసుకోవాలి. తాప్సీ, భూమి ఫడ్నేకర్‌ ముఖ్య తారలుగా దర్శకుడు అనురాగ్‌ కశ్యప్‌ ఓ సినిమా నిర్మిస్తున్నారు. ఉత్తరప్రదేశ్‌కి చెందిన షార్ప్‌ షూటర్స్‌ చంద్రో, ప్రకాషి తోమర్‌ల జీవితం ఆధారంగా ఈ సినిమా తెరకెక్కుతోంది. నూతన దర్శకుడు తుషార హీరా నందానీ తెరకెక్కిస్తున్నారు. ‘‘కూలెస్ట్‌ అండ్‌ ఓల్డెస్ట్‌ షూటర్స్‌ చంద్రో, ప్రకాషిలను కలిశాం. షూటింగ్‌ మొదలుపెట్టాం’’ అని పేర్కొంటూ రియల్‌ షూటర్స్‌తో ఉన్న ఫొటోను షేర్‌ చేశారు తాప్సీ. సో.. ఈ సినిమా షూటింగ్‌లో తాప్సీ, భూమి గన్‌ షూటింగ్‌ చేస్తారన్న మాట.
