కొల్లం: కేరళలోని కొల్లాం జిల్లా పరవూర్‌లో పుత్తింగళ్ దేవీ ఆలయంలో అపశృతి చోటు చేసుకుంది. ఆదివారం తెల్లవారుజామున 3 గంటల సమయంలో భారీ అగ్ని ప్రమాదం జరిగింది. ఈ దుర్ఘటనలో 83 మందికిపైగా మృతిచెందగా, 150 మందికి పైగా తీవ్రగాయాలయినట్టు సమాచారం. ఆలయ వేడుకల్లో భాగంగా బాణసంచా కాల్చడంతో ప్రమాదవశాత్తూ మంటలు చెలరేగి ఈ ప్రమాదం సంభవించింది. ఈ ప్రమాదం జరుగుతుండగా కొంత దూరం నుంచి తీసిన వీడియోను ఏఎన్‌ఐ వార్త సంస్థ ట్విట్టర్ ద్వారా విడుదల చేసింది.
