ప్రకాశం: ప్రేమిస్తున్నానని వెంటపడుతూ వేధిస్తున్న యువకుడికి ఓ యువతి తగిన బుద్ధి చెప్పింది. అతనిపై యువతి సుత్తితో దాడి చేసిన ఘటన ప్రకాశం జిల్లా మార్కాపురంలో గురువారం చోటుచేసుకుంది.
స్థానికంగా ఉన్న ఓ కోచింగ్ సెంటర్‌లో మద్దిలేటి అనే వ్యక్తి ప్రేమ పేరుతో యువతిని వేధిస్తున్నాడు. దీంతో విసిగిపోయిన యువతి అతడిపై గురువారం మధ్యాహ్నం సుత్తితో దాడి చేసింది. ఈ దాడిలో అతను తీవ్రంగా గాయపడ్డాడు. గమనించిన స్థానికులు అతన్ని సమీప ఆస్పత్రికి తరలించారు. ఈ ఘటనకు సంబంధించి పూర్తి సమాచారం తెలియాల్సి ఉంది.
