‘జిగ్రా’ సినిమా షూటింగ్‌ను పూర్తి చేశారు హీరోయిన్‌ ఆలియాభట్. అలాగే ఈ సినిమాను ఈ ఏడాది సెప్టెంబరు 27న రిలీజ్‌ చేస్తున్నట్లు వెల్లడించి ఆన్‌ లొకేషన్‌ ఫోటోలను షేర్‌ చేశారామె. ఆలియాభట్, వేదంగ్‌ రైనా లీడ్‌ రోల్స్‌లో నటించిన చిత్రం ‘జిగ్రా’. హిందీలో ‘మౌనిక ఓ మై డార్లింగ్‌’, ‘పెడ్లర్స్‌’ వంటి సినిమాలు తీసిన వాసన్‌ బాల ‘జిగ్రా’ కి దర్శకుడు.
కరణ్‌జోహార్, అపూర్వ మెహతా, ఆలియాభట్ ఈ సినిమాను నిర్మించారు. తన సోదరుడి రక్షణ కోసం ఎలాంటి సాహసానికైనా వెనకాడని ఓ అమ్మాయి కథే ఈ చిత్రం అని బాలీవుడ్‌ టాక్‌. ఇదిలా ఉంటే.. ‘జిగ్రా’ కాకుండా సంజయ్‌ లీలా భన్సాలీ డైరెక్షన్‌లో ‘లవ్‌ అండ్‌ వార్‌’, ఆదిత్యాచోప్రా నిర్మాణంలో ఓ స్పై థ్రిల్లర్, ‘బ్రహ్మాస్త్రం’ ఫ్రాంచైజీతో బిజీగా ఉన్నారు ఆలియాభట్.
