వైఎస్ జగన్కు చంద్రబాబు బర్త్ డే విషెస్

హైదరాబాద్ : వైఎస్ఆర్ కాంగ్రెస్ పార్టీ అధ్యక్షుడు, ప్రతిపక్ష నేత వైఎస్ జగన్ మోహన్ రెడ్డి పుట్టినరోజు సందర్భంగా ఆయనకు ముఖ్యమంత్రి చంద్రబాబు నాయుడు, మంత్రులు, స్పీకర్ కోడెల శివప్రసాద్ తదితరులు శుభాకాంక్షలు తెలిపారు. సోమవారం ఉదయం అసెంబ్లీ సమావేశాలు ప్రారంభం కాగానే వైఎస్ జగన్కు సభలో శుభాకాంక్షలు చెప్పారు.

కాగా అంతకు ముందు లోటస్ పాండ్లో పార్టీ అధ్యక్షుడు వైఎస్ జగన్కు ఎమ్మెల్యేలు, ఎంపీలు, పలువురు నేతలు బర్త్ డే విషెష్ తెలిపారు. అలాగే అభిమానులు తెచ్చిన కేక్ ను ఆయన కట్ చేశారు. మరోవైపు వైఎస్ జగన్ పుట్టినరోజు సందర్భంగా కార్యకర్తలు, పార్టీ నేతలు పలు సేవా కార్యక్రమాలు నిర్వహిస్తున్నారు.