బాలయ్యకు షష్టిపూర్తి; చిరు ట్వీట్‌

సాక్షి, హైదరాబాద్‌: హీరో నందమూరి బాలకృష్ణకు మెగాస్టార్‌ చిరంజీవి, సీనియర్‌ నటుడు మోహన్‌బాబు ట్విటర్‌ ద్వారా షష్టిపూర్తి శుభాకాంక్షలు తెలిపారు. నేడు(జూన్‌ 10) బాలయ్య జన్మదినాన్ని పురస్కరించుకుని ఆయనకు పుట్టినరోజు శుభాకాంక్షలు చెప్పారు. బాలకృష్ణ ఇదే ఉత్సాహంతో ఆయురారోగ్యాలతో అందరి అభిమానం పొందాలని చిరంజీవి ఆకాంక్షించారు. ఆయురారోగ్యాలతో నిండు నూరేళ్ళు పుట్టిన రోజులు జరుపుకోవాలని మోహన్‌బాబు కోరుకున్నారు.

60లో అడుగుపెడుతున్న మా బాలకృష్ణకి షష్టి పూర్తి శుభాకాంక్షలు. ఇదే ఉత్సాహంతో , ఉత్తేజంతో
ఆయురారోగ్యాలతో నిండునూరేళ్ల సంబరం కూడా జరుపుకోవాలని, అందరి అభిమానం ఇలాగే పొందాలని కోరుకుంటున్నాను. Dear #NBK as U turn the magical 60,I fondly reminisce on Ur amazing journey.Happy birthday

— Chiranjeevi Konidela (@KChiruTweets) June 10, 2020

బాలకృష్ణకు కుటుంబ సభ్యులు, తెలుగు సినిమా పరిశ్రమకు చెందిన ప్రముఖులు శుభాంక్షాలు తెలుపుతున్నారు. ‘బాబాయ్‌ ఆయురారోగ్యాలతో సంతోషం గా ఉండాలని కోరుకుంటున్నాను’ అని జూనియర్‌ ఎన్టీఆర్‌ ట్విటర్‌లో పేర్కొన్నారు. తండ్రి ఎన్టీఆర్‌ వారసత్వాన్ని బాలయ్య ముందుకు తీసుకెళ్లాలని కోరుకుంటూ సీనియర్‌ నటుడు, ‘మా’ అధ్యక్షుడు నరేష్‌ శుభాకాంక్షలు తెలిపారు. కాగా, బాలకృష్ణ పుట్టినరోజు సందర్భంగా బీబీ3 (బాలకృష్ణ–బోయపాటి) ఫస్ట్‌ రోర్‌ పేరుతో విడుదల చేసిన లుక్‌, వీడియో అభిమానులను అలరిస్తోంది. (బాలయ్య టీజర్‌ వచ్చేసింది..)

నాలోని అభిమానిని తట్టి లేపింది మీరే..నాకు ఊహ తెలిశాక చుసిన మొట్టమొదటి హీరో మీరే..ఈ 60వ పుట్టినరోజు మీ జీవితంలో మరపురానిది కావాలని, మీరు ఆయురారోగ్యాలతో సంతోషం గా ఉండాలని కోరుకుంటున్నాను. I wish you a very Happy 60th Birthday Babai. జై బాలయ్య ! #HappyBirthdayNBK pic.twitter.com/C2zDH9iO44

— Jr NTR (@tarak9999) June 10, 2020

నా సోదరుని కుమారుడు నందమూరి బాలకృష్ణ 100 సంవత్సరాలు అష్ట ఐశ్వర్య ఆయురారోగ్యములతో నిండు నూరేళ్ళు పుట్టిన రోజులు జరుపుకోవాలని నా హృదయపూర్వకముగా షిరిడీ సాయినాథుని కోరుకుంటున్నాను. #HappyBirthdayNBK pic.twitter.com/vpeYZM1JtM

— Mohan Babu M (@themohanbabu) June 10, 2020